Dinamalar

சர்ச்சைகளுக்கு உடனடியாக முற்றுப்புள்ளி வைத்த பிரியங்கா சோப்ரா

'மிஸ் வேர்ல்டு 2000' ஆக பட்டம் வென்றவர் பிரியங்கா சோப்ரா. தமிழில் விஜய் ஜோடியாக 'தமிழன்' படத்தில் கதாநாயகியாக அறிமுகமானார். அதற்குப் பின்னர்தான் ஹிந்திப் படங்களில் நடிக்க ஆரம்பித்து முன்னணி நடிகையாக உயர்ந்தார்.

2018ம் ஆண்டு பிரபல அமெரிக்கப் பாடகரும், நடிகருமான நிக் ஜோனஸ் என்பவரைத் திருமணம் செய்து கொண்டார். பிரியங்காவை விட நிக் 10 வயது இளையவர் என்பது குறிப்பிடத்தக்கது.

திருமணத்திற்குப் பின்னர் பிரியங்கா அனைத்து சமூக வலைத்தளங்களிலும் தனது பெயரை பிரியங்கா சோப்ரா ஜோனஸ் என மாற்றிக் கொண்டார். ஆனால், நேற்று திடீரென கணவர் பெயரான ஜோனஸ் என்பதை நீக்கிவிட்டு பிரியங்கா சோப்ரா என்று மட்டும் வைத்துக் கொண்டார்.

இதனால், சமூக வலைத்தளங்களில் இருவரும் பிரியப் போகிறார்களோ என்ற சர்ச்சை எழுந்தது. ஆனால், அவற்றுக்கெல்லாம் உடனடியாக முற்றுப்புள்ளி வைத்துவிட்டார் பிரியங்கா. கணவர் நிக் ஜோனஸ் இன்ஸ்டாகிராமில் வெளியிட்ட உடற்பயிற்சி வீடியோ ஒன்றிற்கு கமெண்ட் செய்து மற்றவர்கள் மேற்கொண்டு சர்ச்சை எழுப்ப முடியாதபடி செய்துவிட்டார்.

சமீபத்தில்தான் லாஸ் ஏஞ்சல்ஸ் நகரில் வாங்கிய புதிய வீட்டில் தீபாவளியை முதல் முறையாக ஒன்றாகக் கொண்டாடியது பற்றி இது மிகவும் ஸ்பெஷலானது என்று மகிழ்ச்சியுடன் பதிவிட்டிருந்தார் பிரியங்கா.

• 
  மைக்கை வைத்துவிட்டு வெளியேறட்டுமா? : வார் 2 விழாவில் டென்ஷனான ஜூனியர் ...
• 
  பிளாஷ்பேக்: திரைக்கதை வசனம் எழுதிய ரஜினி; வெள்ளித்திரையில் மின்னத் தவறிய ...
• 
  அபினய்-க்கு உதவிய தனுஷ்
• 
  இந்தியாவில் முதல் நாளில் வசூலைக் குவித்த படங்கள்
• 
  துருவ் விக்ரம் படத்தில் மூன்று கதாநாயகிகள்?

• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...
• 
  ஜனநாயகன் படப்பிடிப்பு தளத்துக்கு திரண்ட ரசிகர்கள் : பாபி தியோல் ஆச்சரிய ...