மருத்துவமனையில் தெலுங்கு நடிகர் கைகலா சத்யநாராயணா

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

23 நவ, 2021 - 11:39 IST

எழுத்தின் அளவு:

பழம்பெரும் தெலுங்கு நடிகர் கைகலா சத்யநாராயணா. என்.டி.ஆர் காலத்திலேயே ஹீரோவாக அறிமுகமாகி கடந்த ஆண்டுவரை குணசித்ர வேடங்களில் நடித்து வந்தவர். இதுவரை 750 படங்களுக்கு மேல் நடித்துள்ளார். தமிழ் ரசிகர்களுக்கும் அறிமுகமானவர்.

கமல்ஹாசன் நடித்த பஞ்சதந்திரம் படத்தில் ஸ்ரீமனின் மாமனாராக நடித்திருந்தார். பெரியார் படத்தில் பெரியாரின் தந்தை கதாபாத்திரத்தில் நடித்து இருந்தார். மேலும் சில படங்களிலும் நடித்துள்ளார். கடைசியாக 2019ல் வெளியான மகேஷ்பாபுவின் மகிரிஷி படத்தில் நடித்து இருந்தார்.

86 வயதான கைகலா சத்யநாராயணாவுக்கு சில மாதங்களுக்கு முன் மூச்சுத்திணறல் ஏற்பட்டு ஆஸ்பத்திரியில் அனுமதிக்கப்பட்டு சிகிச்சைக்கு பின், குணமடைந்து வீடு திரும்பினார். இந்த நிலையில் கைகலா சத்ய நாராயணாவுக்கு மீண்டும் மூச்சுத்திணறல் ஏற்பட்டது. இதையடுத்து ஐதராபாத்தில் உள்ள தனியார் ஆஸ்பத்திரியில் அனுமதிக்கப்பட்டு உள்ளார். அங்கு தீவிர சிகிச்சை அளிக்கப்பட்டு வருகிறது.

அவரது உடல்நிலை கவலைக்கிடமாக இருப்பதாகவும், செயற்கை சுவாச கருவி உதவியுடன் சிகிச்சை அளிக்கப்பட்டு வருவதாகவும் தெரிவிக்கப்பட்டு உள்ளது. அவர் பூரண குணமடைய தெலுங்கு ரசிகர்கள் பிரார்த்தனை செய்து வருகிறார்கள். இதனிடையே சத்யநாராயணா உடல்நிலையில் முன்னேற்றம் ஏற்பட்டுள்ளதாக நடிகர் சிரஞ்சீவி தெரிவித்துள்ளார்.

kaikalasatyanarayana

கருத்துகள் (0) கருத்தைப் பதிவு செய்ய

யுவராஜ் சிங்கை சந்தித்த டொவினோ தாமஸ்

வைரலாகும் புனித் ராஜ்குமாரின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய