Dinamalar

கிறிஸ்டோபர் : மம்முட்டி பட டைட்டில் அறிவிப்பு

மலையாள திரையுலகில் மோகன்லாலின் ஆஸ்தான இயக்குனராக அறியப்படுபவர் பி.உன்னிகிருஷ்ணன். மலையாள திரையுலக இயக்குனர் சங்கத்தில் செயலாளராகவும் பொறுப்பு வகிக்கும் இவர் கடந்த பத்து வருடங்களில் தொடர்ந்து மோகன்லாலை வைத்தே படங்களை இயக்கி வந்தார். இதில் நடிகர் விஷால், நடிகைகள் ஹன்சிகா, ராசி கண்ணா ஆகியோரை முதன்முதலாக மலையாளத்தில் அறிமுகப்படுத்திய பெருமையும் இவருக்கு உண்டு. இந்த நிலையில் தற்போது மம்முட்டியை வைத்து தனது புதிய படத்தை இயக்கி வருகிறார் பி.உன்னிகிருஷ்ணன்.

ஏற்கனவே மம்முட்டியை வைத்து பிரமாணி என்கிற படத்தை இயக்கியுள்ள உன்னிகிருஷ்ணன், கிட்டத்தட்ட பன்னிரண்டு வருடங்களுக்குப் பிறகு மீண்டும் மம்முட்டி படத்தை இயக்கி வருகிறார். ஏற்கனவே படப்பிடிப்பு துவங்கி நடைபெற்று வரும் நிலையில், நேற்று மலையாள மாதமான சிங்கம் மாதத்தில் முதல் தேதியை முன்னிட்டு இந்த படத்திற்கு கிறிஸ்டோபர் என டைட்டில் வைக்கப்பட்டு போஸ்டர் வெளியாகி உள்ளது. 'பயோகிராபி ஆப் ஏ விஜிலன்ட் காப்' என்கிற இந்த படத்தின் டேக்லைன் மூலம் இதில் மம்முட்டி போலீஸ் அதிகாரியாக நடிக்கிறார் என்பதும் தெரியவந்துள்ளது.

• 
  வரவேற்பைப் பெறாத 'பரியேறும் பெருமாள்' ஹிந்தி ரீமேக்
• 
  விளம்பர வீடியோவில் உலக சாதனை படைத்த தீபிகா படுகோனே
• 
  500 கோடி வசூலைக் கடந்த 'சாயாரா'
• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்

• 
  அடூர் கோபாலகிருஷ்ணன் மன்னிப்பு கேட்க வேண்டும் ; பின்னணி பாடகர் சங்கம் ...
• 
  வேட்பு மனுவை நிராகரித்த தயாரிப்பாளர் சங்கம் ; நீதிமன்றத்தை நாடும் பெண் ...
• 
  மலையாளம் பிக்பாஸ் 7ல் பங்கேற்ற ஹிந்தி பிக்பாஸ் 9 போட்டியாளர்
• 
  பழம்பெரும் நடிகர் பிரேம் நசீர் மகன் ஷானவாஸ் காலமானார்
• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...