Dinamalar

சபரிமலையில் மோகன்லால் படப்பிடிப்பு நடத்த தடை

மோகன்லால் நடித்து வரும் படம் 'அதிமனோகரம்'. இதில் மோகன்லால் அய்யப்ப பக்தி மிகுந்த ஒரு போலீஸ் அதிகாரியாக நடிக்கிறார். இந்த படத்தின் படப்பிடிப்பை சபரிமலையில் நடத்திக் கொள்ள சில நிபந்தனைகளுடன் தேவசம்போர்ட் அனுமதி அளித்திருந்தது. இது பெரும் சர்ச்சையை கிளப்பியது.

படப்பிடிப்பு குழுவில் பல மதங்களை சேர்ந்தவர்கள் இருப்பார்கள், அவர்கள் கோவிலின் புனிதத்தை காப்பார்கள் என்று கூற முடியாது. பக்தி இல்லாமல் தொழில்ரீதியாக சபரிமலைக்கு செல்கிறவர்கள் அங்குள்ள கட்டுப்பாடுகளை மதிக்க மாட்டார்கள் என்ற விமர்சனம் எழுந்தது.

இந்த விவகாரம் குறித்து, தேவசம் போர்டு அமைச்சர் கே.முரளிதரன் அளித்த பேட்டியில், “சபரிமலையில் திரைப்படங்களுக்கு படப்பிடிப்பு நடத்த அனுமதி வழங்க முடியாது. சபரிமலை கோயில் அல்லது ஐயப்பன் தொடர்பான படங்கள் அல்லது ஆன்மிக படங்களுக்கு படப்பிடிப்பு நடத்த அனுமதி வழங்கப்படலாம். சாதாரண படங்களுக்கு படப்பிடிப்பு நடத்த அனுமதி வழங்க முடியாது. கோயிலைப் படப்பிடிப்புக்கு வழங்க முடியாது. இதுவே அரசின் கொள்கை என்றார். மோகன்லால் படத்தின் படப்பிடிப்பை நடத்த தற்போது வனத்துறை அனுமதி மறுத்துள்ளது.

அய்யப்பன் புகழ்பாடும் படம் இது. அய்யப்ப பக்தர் மோகன்லால் நடிக்கிறார், தேவசம் போர்ட் விதித்துள்ள அத்தனை நிபந்தனைகளையும் ஏற்று கொண்டுள்ளோம். இது தொடர்பாக நீதிமன்றம் செல்ல தயாரிப்பு தரப்பு முடிவு செய்துள்ளதாக தகவல்கள் வெளியாகி உள்ளது.

• 
  கிராமி விருது போட்டியில் 'துரந்தர் 2'
• 
  சொந்தமாக யு டியூப் சேனல் தொடங்கிய சல்மான் கான்
• 
  நீதிமன்றத்தில் அமிதாப் பச்சன் நேரில் ஆஜராக வேண்டும் ; டில்லி உயர் ...
• 
  மேஜைக்கு அடியில் அமர்ந்து அழுத இயக்குநர் ; மாதுரி தீட்சித் பகிர்ந்த ...
• 
  'எஸ்.ஐ.ஆர்' ஆர்ப்பாட்டத்தில் காதலருடன் கைதான 'ஜெயம்கொண்டான்' நடிகை

• 
  திலீப் நடிக்கும் புதிய படம் 'நீக்கம்' ; ஷாஜி கைலாஷ் மகன் இயக்குகிறார்
• 
  மம்முட்டி உதவியால் நேபாளச் சிறுவனுக்கு இலவச இருதய அறுவை சிகிச்சை
• 
  ரவி தேஜாவுடன் இணையும் பிரியங்கா மோகன், அனஸ்வரா மற்றும் ஜே.டி. சக்கரவர்த்தி
• 
  தி தேர்ட் மர்டர் மூலம் அடுத்த வெற்றிக்கு தயாராகும் மலையாள சினிமா
• 
  கர்நாடகாவில் வசூல் சாதனை படைக்கும் ரூ.2 கோடி திரைப்படம்