Dinamalar

ஏ.ஆர்.ரகுமான் மகளுக்கு டும் டும் - நிச்சயதார்த்தம் முடிந்தது

இசை அமைப்பாளர் ஏ.ஆர்.ரகுமானின் மைத்துனர் (மனைவியின் அண்ணன்) நடிகர் ரகுமானின் மகளுக்கு சமீபத்தில் திருமணம் நடந்தது. இதில் நெருங்கிய உறவினர்கள், நண்பர்கள் மட்டும் கலந்து கொண்டனர். தமிழக முதல்வர் மு.க.ஸ்டாலின் நேரில் மணமக்களை வாழ்த்தினார்.

இந்த நிலையில் ஏ.ஆர்.ரகுமாளின் மகளுக்கு திருமணம் நடக்க இருக்கிறது. ஏ.ஆர்.ரகுமான்-சாய்ரா பானு தம்பதிகளுக்கு அமீன் என்ற மகனும், கதீஜா ரகுமான், ரெஹிமா ரகுமான் என்ற இரு மகள்களும் உள்ளனர். இதில் மூத்த மகளான கதீஜா ரகுமானுக்கு திருமணம் நிச்சயிக்கப்பட்டுள்ளது. சில தினங்களுக்கு முன் எளிய முறையில் திருமண நிச்சயதார்த்தம் நடந்துள்ளது. இதில் நெருங்கிய உறவினர்கள் மட்டும் கலந்து கொண்டனர்.

மணமகன் பெயர் ரியாஸ். திருமண தேதியை இன்னும் அறிவிக்கவில்லை. கதீஜா ரகுமான் இஸ்லாமிய கோட்பாடுகளை தீவிரமாக பின்பற்றுகிறவர். பர்தா அணியாமல் பொது இடங்களில் தோன்ற மாட்டார். தற்போது தனி பாடல்களை பாடி வருவதோடு, இசை ஆல்பங்களையும் வெளியிட்டு வருகிறார்.

கதீஜா கூறுகையில், ‛‛கடவுளின் ஆசீர்வாதத்தோடு இந்த மகிழ்ச்சியான செய்தியை அனைவருக்கும் அறிவிக்கிறேன். சவுண்ட் இன்ஜினியர்ரியாஸ் தீன் ஷெய்க் மொஹமுத் என்பவருடன் எனக்கு டிச., 29ல் நிச்சயதார்த்தம் நடந்தது'' என கூறி அவரின் போட்டோவையும் வெளியிட்டுள்ளார்.

• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3

• 
  கொலை செய்யப்பட்ட தமிழ் ஒளிப்பதிவாளருக்கு கிடைத்த தேசிய விருது
• 
  இரு தேசிய விருதுகளுக்குக் காரணமான அட்லீ, அனிருத்
• 
  பிளாஷ்பேக் : 3 மொழிகளில் வெற்றி பெற்ற அம்மா சென்டிமெண்ட் படம்
• 
  பிளாஷ்பேக் : எம்.எஸ்.பாஸ்கருக்கு விருது கிடைத்திருக்க வேண்டிய ...
• 
  வசூலை குவிக்கும் இந்திய அனிமேஷன் படம்