Dinamalar

'ஐமேக்ஸ் ரீமாஸ்டர்' ஆகவும் 'ஆர்ஆர்ஆர்' ரிலீஸ்

தியேட்டர்களில் திரைப்படங்களைப் பார்ப்பது ரசிகர்களுக்கு ஒரு தனி ரசனை. ஒரு காலத்தில் '70 எம்எம்' ஸ்கிரீன்களில் வெளியாகும் படங்களை ரசிப்பதற்கென்றே தனி ரசிகர்கள் கூட்டம் இருந்தது. தற்போது அந்த இடத்தை 'ஐமேக்ஸ்' தியேட்டர்கள் பிடித்துவிட்டது.

ஐமேக்ஸ் தியேட்டர்களுக்கான ஸ்கிரீன் அளவு 52 அடி உயரமும் 72 அடி அகலமும் இருக்கும். அரை வட்ட வடிவில் இருக்கும் அந்தத் திரையில் தியேட்டர்களில் அமர்ந்து படங்களை ரசிப்பது ஒரு பிரம்மாண்டமான ரசனையைத் தரும்.

பல ஹாலிவுட் படங்கள் அமெரிக்கா உள்ளிட்ட பெரிய நாடுகளில் ஐமேக்ஸ் தியேட்டர்களில் வெளியிடப்படுவதை வழக்கமாக வைத்திருக்கின்றன. இந்தியாவில் தயாராகும் சில படங்களை இப்படி ஐமேக்ஸ் முறையில் வெளியிட ஆரம்பித்துள்ளார்கள்.

ராஜமவுலி இயக்கத்தில், ஜுனியர் என்டிஆர், ராம்சரண், ஆலியா பட் மற்றும் பலர் நடிக்க வரும் மார்ச் 25ம் தேதி வெளியாக உள்ள 'ஆர்ஆர்ஆர்' படத்தை 'ஐமேக்ஸ் ரீமாஸ்டர்' முறையிலும் வெளியிடுகிறார்கள். 'ரீமாஸ்டர்' என்பது ஏற்கெனவே உருவாக்கி வைத்திருந்ததை மேலும் தரம் உயர்த்தி வெளியிடுவதாகும்.

'ஆர்ஆர்ஆர்' படம் ஜனவரி 7ம் தேதியே வெளியாகி இருக்க வேண்டியது. கொரோனா ஒமிக்ரான் அலையால் படத்தைத் தள்ளி வைத்தார்கள். இந்த இடைப்பட்ட காலத்தில் ரீமாஸ்டரிங் வேலைகள் நடந்துள்ளதாகத் தெரிகிறது. ஐமேக்ஸ் தியேட்டர்களில் படம் பார்க்க இரு மடங்கு கட்டணத்தை ரசிகர்கள் தர வேண்டும்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்
• 
  அரசியலுக்கு வந்தால் சாதிக்கு எதிரான கட்சி தொடங்குவேன் : மாரி செல்வராஜ்
• 
  கேரளாவில் ஜனநாயகன் முதல் நாள் முதல் காட்சி 6 மணிக்கு தான்