Dinamalar

பான்--இந்தியாவில் அடியெடுத்து வைக்கும் விஜய்

2022ம் ஆண்டில் எது பிரபலமானதோ இல்லையோ 'பான்--இந்தியா' என்பது சினிமா வட்டாரங்களில் பிரபலமானது. கடந்த வருடக் கடைசியில் வெளிவந்த தெலுங்குப் படமான 'புஷ்பா' பான்--இந்தியா படமாக வெளியாக வசூலைக் குவித்தது. அதற்கடுத்து கடந்த மாதம் வெளிவந்த 'ஆர்ஆர்ஆர்' படமும் வசூலைக் குவித்துக் கொண்டிருக்கிறது. ஆனால், தென்னிந்தியாவிலிருந்து 1000 கோடி வசூலுக்கும் மேல் வாரிக்குவித்த 'பான்--இந்தியா'வை இங்கு பிரபலமாக்கிய பிரபாஸ் நடித்து கடந்த மாதம் வெளிவந்த 'ராதே ஷ்யாம்' தோல்வியைச் சந்தித்தது.

அடுத்து வரும் ஏப்ரல் 13ம் தேதி விஜய் நடித்துள்ள 'பீஸ்ட்' தமிழ்ப் படமும், 14ம் தேதி வெளியாக உள்ள 'கேஜிஎப் 2' கன்னடப் படமும் பான்--இந்தியா படங்களாக வெளியாக உள்ளன.

'கேஜிஎப் 2' டிரைலர் கடந்த வாரம் 5 மொழிகளில் வெளியாகி 160 மில்லியன் பார்வைகளைக் கடந்துவிட்டது. விஜய் நடித்துள்ள 'பீஸ்ட்' படத்தின் தமிழ் டிரைலர் இரு தினங்களுக்கு முன்பு வெளியாகி 30 மில்லியன் பார்வைகளைக் கடந்துள்ளது. அடுத்து 'பீஸ்ட்' ஹிந்தி டிரைலர் மாலை 6 மணிக்கு வெளியானது. தெலுங்கு டிரைலர் ஏப்ரல் 5 ம் தேதி வெளியாகிறது.

அதற்கு முன்பாக மாலை 4 மணிக்கு 'அரபிக்குத்து' பாடல் ஹிந்தி, தெலுங்கில் வெளியாக உள்ளது. இரண்டு மொழி டிரைலர்களும், பாடல்களும் சில பல மில்லியன் பார்வைகளைக் கடந்து விஜய்யும் 'பான்--இந்தியா' நடிகராக பிரபலமாவார் என அவரது ரசிகர்கள் ஆவலுடன் எதிர்பார்த்து காத்துக் கொண்டிருக்கிறார்கள்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!