Dinamalar

உதயநிதி நடத்தப் போகும் சினிமா வெற்றி விழா

முதல்வர் ஸ்டாலின் வாரிசான உதயநிதி ஸ்டாலின் நடிகர், தயாரிப்பாளர், வினியோகஸ்தர் என தமிழ் சினிமாவில் ஆதிக்கம் செலுத்தி வருகிறார். உதயநிதியின் நிறுவனமான ரெட் ஜெயன்ட் நிறுவனம் தற்போது தமிழ் சினிமாவில் சில பல முக்கிய படங்களை வாங்கி வெளியிட்டு வருகிறது.
இந்த ஆண்டில் அந்த நிறுவனம் வெளியிட்ட, 'எப்ஐஆர், பீஸ்ட், காத்துவாக்குல ரெண்டு காதல், டான், நெஞ்சுக்கு நீதி, விக்ரம்' ஆகிய படங்கள் வசூல் ரீதியாகவும் வெற்றி பெற்றுள்ளதாக கோலிவுட்டில் தெரிவிக்கிறார்கள். இவற்றில் 'விக்ரம்' படம் மெகா வசூல் பெற்றுள்ளது.

தமிழ் சினிமாவில் உதயநிதியின் ஆதிக்கம் அதிகமாக உள்ளது என ஒரு பக்கம் குற்றச்சாட்டு எழுந்து வருகிறது. அதே சமயம், அவர்களது நிறுவனம் வெளியிடும் படங்களின் வசூலை தியேட்டர்காரர்கள் சரியாகக் கொடுத்து விடுவதாகவும் தகவல் உள்ளது. 'விக்ரம்' வெற்றி விழாவில் கூட இந்த நேர்மை இருந்தால் தமிழ் சினிமா மாறும், நானும் கை கொடுக்கிறேன் என கமல்ஹாசன் மேடையிலேயே பாராட்டினார்.

தங்களைப் பற்றிய விமர்சனங்களைத் தவிர்க்க ரெட் ஜெயன்ட் நிறுவனம் வெளியிட்டு வெற்றி பெற்ற படங்கள் அனைத்திற்காகவும் ஒரு வெற்றி விழாவை நடத்தத் திட்டமிட்டுள்ளார்களாம். அதில் கமல்ஹாசன், விஜய், விஜய் சேதுபதி, நயன்தாரா, சமந்தா என பலரையும் கலந்து கொள்ள வைக்கவும் பேசி வருகிறார்களாம். முதல்வர் ஸ்டாலின் சம்மதித்தால் அவரது தலைமையில் அந்த விழாவை நடத்தவும் முடிவு செய்துள்ளார்களாம்.

• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்

• 
  50 வருடம் ஒருவர் சூப்பர் ஸ்டாராவே இருக்கிறாரே அதுதான் பெரிய விஷயம் ; கூலி ...
• 
  கவர்ச்சியாக நடித்தவர் கடவுளாக நடிக்கலமா? : துர்க்கை ஆக நடித்த கஸ்துாரி ...
• 
  லோகேஷ் கனகராஜின் புரமோஷன் பேட்டிகள் ; ஜாலியாக கிண்டலடித்த ரஜினிகாந்த்
• 
  மகேஷ்பாபுவை அடுத்து மல்டிபிளக்ஸ் தியேட்டர் திறந்த ரவி தேஜா
• 
  தனி நபர்களை வைத்து படப்பிடிப்பு : தெலுங்கு திரைப்பட வர்த்தக சபை அறிக்கை