Dinamalar

கடைசி விவசாயி படைத்த புதிய சாதனை

மணிகண்டன் இயக்கத்தில் நிஜ விவசாயி நல்லாண்டி மற்றும் விஜய் சேதுபதி நடிப்பில் வெளியான படம் 'கடைசி விவசாயி'. இதனை விஜய்சேதுபதியே தயாரித்திருந்தார். தியேட்டரில் வெளியான படம் வசூல் ரீதியாக வெற்றி பெறவில்லை. ஆனால் இந்த படம் ஓடிடி தளத்தில் வெளியான பிறகு அதிக மக்களால் பார்க்கப்பட்டு சாதனை படைத்தது.

தியேட்டர் வெளியீட்டுக்கு முன்பே பல சர்வதேச திரைப்பட விழாக்களில் திரையிடப்பட்டு விருதுகளையும், கவுரவத்தையும் பெற்ற இந்த திரைப்படம் தற்போது மற்றுமொரு சாதனையை படைத்துள்ளது.

உலக அளவில் சிறந்த திரைப்படங்களை தரவரிசைப்படுத்தும் முன்னணி இணையதளங்களில் 'லெட்டர் பாக்ஸ்' எனும் இணையதளமும் ஒன்று. இந்த இணையதளத்தில் 2022 ஆம் ஆண்டு ஜனவரி 1 முதல் ஜூன் 30 வரையிலான ஆண்டின் முதல் பாதியில் வெளியான சிறந்த படங்களை பட்டியலிட்டிருக்கிறது. உலகப்படங்கள் தரவரிசைப்படுத்தப்பட்ட அந்தப்பட்டியலில் கடைசி விவசாயி இரண்டாம் இடத்தைப் பிடித்திருக்கிறது.
ராஜமௌலி இயக்கத்தில் தயாராகி, ஆயிரம் கோடி ரூபாய்க்கு மேல் வசூல் செய்த ‛ஆர்.ஆர்.ஆர்' படம் ஆறாவது இடத்திலும், 400 கோடிக்கு மேல் வசூல் செய்த 'விக்ரம்' படம் 11வது இடத்திலும் வரிசை படுத்தப்பட்டிருக்கிறது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்