Dinamalar

தியேட்டர்களில் வெளியாகும் சூரரைப்போற்று, ஜெய்பீம்

கொரோனா தாக்கம் காரணமாக கடந்த இரண்டு வருடங்களில் திரையரங்குகள் அதிக நாட்கள் மூடப்பட்டிருந்ததால் பல படங்கள் ஓடிடி தளத்தில் வெளியாகின. சிறிய பட்ஜெட் படங்களாக வெளியாகி வந்த சமயத்தில் நடிகர் சூர்யாவின் சூரரைப்போற்று திரைப்படம் தியேட்டர் அதிபர்கள், விநியோகஸ்தர்களின் ஆகியோரின் எதிர்ப்புக்கு இடையே ஓடிடி தளத்தில் வெளியானது. இருந்தாலும் ரசிகர்களிடையே மிகப்பெரிய வரவேற்பை பெற்றது. இதை தொடர்ந்து சூர்யா தயாரித்து முக்கிய வேடத்தில் நடித்த ஜெய்பீம் திரைப்படமும் இதேபோன்று ஓடிடி தளத்தில் தான் வெளியானது. இந்த படமும் வரவேற்பை பெற்றது.

அதேசமயம் இந்த இரண்டு படங்களையும் தியேட்டர்களில் பார்க்க முடியவில்லை என ரசிகர்களுக்கு பெரிய அளவில் ஒரு மனக்குறையும் இருந்து வருகிறது என்பதை மறுக்க முடியாது. இந்த நிலையில் வரும் ஜூலை 23ம் தேதி சூர்யாவின் பிறந்தநாளை முன்னிட்டு இந்த இரண்டு படங்களும் சில தியேட்டர்களில் திரையிடப்பட இருக்கிறது. சுதா கொங்கரா இயக்கத்தில் வெளியான சூரரைப்போற்று திரைப்படம் மற்றும் ஞானவேல் இயக்கத்தில் வெளியான ஜெய்பீம் திரைப்படம் இரண்டுமே உண்மை சம்பவங்களின் அடிப்படையில் உருவாகி வெற்றி பெற்றவை என்பது குறிப்பிடத்தக்கது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!