Dinamalar

'லைகர்' படுதோல்வி : சமூக வலைத்தளங்களை விட்டு தற்காலிகமாக விலகும் சார்மி கவுர்

2022ம் ஆண்டில் ஒரு படக்குழுவினரால் சமூக வலைத்தளங்களில் மிகைப்படுத்தி சொல்லப்பட்ட படங்களில் ஒன்று 'லைகர்'. தெலுங்கின் ஹாட் ஹீரோ விஜய் தேவரகொண்டா, பாலிவுட்டின் ஹாட் கதாநாயகி அனன்யா பாண்டே, கரண் ஜோஹர் இணைந்த தயாரிப்பு, முன்னாள் உலகக் குத்துச் சண்டை வீரர் மைக் டைசன் சிறப்புத் தோற்றம் என என்னென்னமோ சொன்னார்கள்.

ஆனால், படம் வெளிவந்த பின் “இதற்காகவா இவ்வளவு பில்டப் கொடுத்தீர்கள்” என விமர்சகர்களும், ரசிகர்களும் ஒட்டுமொத்தமாகச் சொன்னார்கள். படத்தில் கதையம்சம் என்ற ஒன்றுதான் படத்தின் வெற்றியைத் தீர்மானிக்கும் என இந்தப் படமும் திரையுலகினருக்கு உணர்த்தியது.

தினமும் அந்தப் படம் பற்றி சமூக வலைத்தளங்களில் பகிரப்படும் செய்திகள், தகவல்கள், மீம்ஸ்களைப் பார்ப்பதற்கும், படிப்பதற்கும் படக்குழுவினருக்கு தனி மனதைரியம் வேண்டும். அதனாலோ என்னவோ, இந்தப் படத்தின் தயாரிப்பாளர்களில் ஒருவரான முன்னாள் நடிகையான சார்மி கவுர் தற்காலிகமாக சமூக வலைத்தளங்களிலிருந்து விலகுவதாக சற்று முன் அறிவித்துள்ளார்.

அவற்றில் மிகவும் ஆக்டிவ்வாகவே இருந்த சார்மி அவரது பதிவில், “சில் கைஸ், சமூக வலைத்தளங்களிலிருந்து கொஞ்சம் பிரேக் எடுக்கிறேன். பூரி ஜெகன்னாத் மீண்டு வருவார், பெரிதாக, சிறப்பாக…அது வரை... வாழு வாழ விடு,” என விலகலுக்கான காரணத்தைத் தெரிவித்துள்ளார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்