Dinamalar

கார்த்தி படம் மூலம் தமிழில் அறிமுகமாகும் பஹத் பாசில் பட நடிகர்

இந்த ஆண்டில் மட்டும் நடிகர் கார்த்தி நடித்த பொன்னியின் செல்வன், விருமன், சர்தார் என மூன்று படங்கள் வெளியாகிவிட்டன. இந்த மூன்று படங்களுமே வெற்றி பெற்ற நிலையில் தற்போது அடுத்ததாக ராஜுமுருகன் டைரக்ஷனில் ஜப்பான் என்கிற படத்தில் நடித்து வருகிறார். இது அவரது 25வது படமாக தயாராகி வருகிறது. இந்த படத்தில் அனு இம்மானுவேல் கதாநாயகியாக நடித்து வருகிறார்.

இந்த நிலையில் தற்போது இந்த படத்தில் முக்கிய கதாபாத்திரத்தில் மலையாள நடிகர் சனல் அமன் என்பவர் நடித்து வருகிறார். படப்பிடிப்பின்போது கார்த்தியுடன் எடுத்துக்கொண்ட புகைப்படத்தை வெளியிட்டு இந்த தகவலை தெரிவித்துள்ளார் சனல் அமன். இவர் இதற்கு முன்னதாக மலையாளத்தில் மகேஷ் நாராயணன் இயக்கத்தில் பஹத் பாசில் நடித்த மாலிக் திரைப்படத்தில் அவரது நண்பரின் மகனாக முக்கிய கதாபாத்திரத்தில் நடித்திருந்தார் என்பது குறிப்பிடத்தக்கது.

கார்த்தியுடன் நடிப்பது குறித்து சனல் அமன் கூறும்போது, “கார்த்தியின் 25-வது படத்தில் நடிப்பதன் மூலம் தமிழில் நுழைந்திருப்பது மகிழ்ச்சி அளிக்கிறது. இந்த அருமையான கதாபாத்திரத்திற்காக என்னை தேர்ந்தெடுத்த இயக்குனர் ராஜூ முருகனுக்கு நன்றி.. இது உண்மையிலேயே எனக்கு கனவு நனவான தருணம் போலவே இருக்கிறது” என்று கூறியுள்ளார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்