Dinamalar

தெலுங்கில் நஷ்டத்திலிருந்து தப்பிக்கும் 'வாரிசு'

வம்சி பைடிபள்ளி இயக்கத்தில், விஜய், ராஷ்மிகா மந்தனா மற்றும் பலர் நடித்த வாரிசு' படம் தெலுங்கில் 'வாரசுடு' என்ற பெயரில் வெளியானது. தமிழில் வெளியான ஜனவரி 11 அன்று வெளியாகாமல் சில நாட்கள் கழித்து ஜனவரி 14ம் தேதியன்று வெளியானது. அதுவே இந்தப் படத்தின் தெலுங்கு வசூலுக்கு சிக்கலை ஏற்படுத்திவிட்டதாகச் சொல்கிறார்கள்.

நேரடி தெலுங்குப் படங்களான 'வால்டர் வீரய்யா, வீரசிம்ஹா ரெட்டி' படங்களுக்கு முக்கியத்துவம் கொடுக்கும் விதத்தில் தெலுங்கு வெளியீட்டைத் தள்ளி வைத்தார் தயாரிப்பாளர் தில் ராஜு. முன்னதாக தமிழில் வெளியாகும் போதுதான் தெலுங்கிலும் படத்தை வெளியிடுவேன் என சொல்லி வந்தார். ஆனால், கடைசி நேரத்தில் பின்வாங்கிவிட்டார். அதற்கு அவருக்குக் கொடுக்கப்பட்ட அழுத்தம்தான் காரணம் என்கிறார்கள்.

இரண்டு வாரங்களுக்குப் பிறகு தட்டுத் தடுமாறி இப்போதுதான் 15 கோடி ரூபாய்க்கு விற்கப்பட்ட தெலுங்கு உரிமைக்கான 'ஷேர்' தொகையை வசூலித்துள்ளதாம். மொத்த வசூல் 27 கோடி என இருந்தாலும் 'ஷேர்' தொகைதான் படத்தின் லாபக் கணக்கில் சேரும். அந்த விதத்தில் பெரிய நஷ்டம் வராமல் 'வாரசுடு' காப்பாற்றிவிட்டது என கொஞ்சமே கொஞ்சம் மகிழ்கிறார்கள் படத்தை வாங்கியவர்கள்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்