Dinamalar

ஒரே நேரத்தில் 3 ஸ்டார் படங்கள்: டான் பிக்சர்ஸ் ஆகாஷ் பாஸ்கரன் யார் தெரியுமா?

சென்னை நட்சத்திர ஓட்டலில் நேற்று காலை சிம்பு நடிக்கும் 49வது பட பூஜை சிம்பிளாக நடந்தது. இந்த படத்தை பாலகிருஷ்ணன் ராம்குமார் இயக்குகிறார். 'டிராகன்' படத்தில் நடித்த கயாடு லோகர் நாயகியாக நடிக்கிறார். பலஆண்டுகளுக்குபின் இதில் சிம்பு உடன் இணைகிறார் சந்தானம். மனோஜ் பரம்மஹம்சா ஒளிப்பதிவு செய்கிறார். இவர் சிம்பு நடித்த 'விண்ணைத் தாண்டி வருவாயா' படத்தின் ஒளிப்பதிவாளர். சாய் அபயங்கர் இசையமைக்கிறார். இவர் பிரபல பாடகர்கள் திப்பு, ஹரிணி மகன். இப்போது ஆர்.ஜே.பாலாஜி இயக்க, சூர்யா நடிக்கும் படத்துக்கு இசையமைக்கிறார்.

இதில் சிம்புக்கு பிடித்த விடிவி.கணேஷ் முக்கியமான வேடத்தில் நடிக்கிறார். மற்ற நடிகர், நடிகைகள் விவரம் விரைவில் அறிவிக்கப்பட உள்ளது. படத்தில் சிம்பு, கல்லுாரி மாணவராக நடிப்பதால், எடை குறைத்து ஆளே மாறியிருக்கிறார். அதர்வா நடிக்கும் 'இதயம் முரளி', சிவகார்த்திகேயன் நடிக்கும் 'பராசக்தி', தனுஷ் நடிக்கும் 'இட்லி கடை' ஆகிய படங்களை டான் பிக்சர்ஸ் தயாரிக்கிறது.

ஒரே நேரத்தில் சிம்பு, தனுஷ், சிவகார்த்திகேயன் படங்களை தயாரிக்கும் டான் பிக்சர்ஸ் நிறுவனத்தின் ஆகாஷ் பாஸ்கரன் யார் தெரியுமா? முதல்வர் குடும்பத்தில் பெண் எடுத்து திருமணம் செய்தவர். மறைந்த திமுக தலைவர் மு.கருணாநிதியின் மூத்த மகன் மு.க.முத்துவின் மகள் வழி பேத்தி தாரணியை திருமணம் செய்தவர். தாரணியின் தந்தை பிரபல தொழிலதிபர் சி.கே. ரங்கநாதன். இவர் மகன் மனு ரஞ்சித்தைதான், நடிகர் விக்ரம் மகள் அக்ஷிதா காதல் திருமணம் செய்துள்ளார்.

• செய்திகள்
• ஆல்பம்
• வந்த படங்கள்
• வரவிருக்கும் படங்கள்
• டுவிட்டர்

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...