Dinamalar

இளையராஜா பாடலை பயன்படுத்த, வனிதாவுக்கு தடைவிதிக்க கோர்ட் மறுப்பு

நடிகை வனிதா விஜயகுமார் நடித்து இயக்கிய 'மிசஸ் அண்ட் மிஸ்டர்' படம் கடந்த 11ம் தேதி வெளிவந்தது. இதில் அவரது முன்னாள் காதலன் ராபர்ட் நாயகனாக நடித்திருந்தார். இந்த படத்தில் இளையராஜா இசை அமைத்த 'ராத்திரி சிவராத்திரி தூக்கம் போச்சு..'. என்ற பாடல் பயன்படுத்தப்பட்டிருந்தது.

தன்னிடம் அனுமதி பெறாமல் பாடலை பயன்படுத்தியதாக இளையராஜா சென்னை உயர்நீதி மன்றத்தில் வழக்கு தொடர்ந்தார். அவர் தாக்கல் செய்த மனுவில் ''கமல்ஹாசன் நடித்த மைக்கேல் மதன் காமராஜன் படத்தில் நான் இசையமைத்த சிவராத்திரி என்ற பாடலை என் அனுமதியின்றி மிசஸ் அண்ட் மிஸ்டர் படத்தில் பயன்படுத்தியுள்ளனர். இந்த படத்தின் விளம்பரத்திலும் என் பெயர் அனுமதியின்றி சேர்க்கப்பட்டுள்ளது. இதற்கு தடை விதிக்க வேண்டும்'' என்று கூறியிருந்தார்.
இந்த வழக்கு நேற்று விசாரணைக்கு வந்தது. வனிதா தரப்பில் ஆஜரான வழக்கறிஞர் "இந்த பாடலை பயன்படுத்த, பாடல் மீது உரிமை பெற்றுள்ள சோனி நிறுவனத்திடம் முறையான அனுமதி பெற்றுள்ளோம். இந்த வழக்கிற்கு விரிவான பதில் மனு தாக்கல் செய்ய தயாராக உள்ளோம்'' என்றார்.

இரு தரப்பு வாதங்களை கேட்ட நீதிமன்றம் "திரைப்படம் வெளியாகி விட்டது. இந்தநிலையில், தடை எதுவும் விதிக்க முடியாது. வேண்டுமென்றால், மனுதாரர் இழப்பீடு பெறலாம். இது குறித்து வனிதா தரப்பு பதில் அனுப்ப நோட்டீஸ் அனுப்ப உத்தரவிட்ட நீதிமன்றம், விசாரணையை வருகிற 21ம் தேதிக்கு தள்ளிவைத்தது.

• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...
• 
  படத்தின் பட்ஜெட் தொகையை இசை உரிமை விற்றதில் திரும்பப் பெற்ற 'சாயரா'
• 
  சினிமாவில் இது தான் எதார்த்தம் : திரிப்தி டிமிரி

• 
  மீண்டும் இணையும் பாண்டிராஜ், விஜய் சேதுபதி கூட்டணி!
• 
  சரியான நேரம் அமையும் போது சூர்யாவை வைத்து படம் இயக்குவேன் -லோகேஷ் கனகராஜ்!
• 
  புதுமுக இயக்குனரை ஆச்சரியப்படுத்திய விஜய்! - இயக்குனர் பாபு விஜய்
• 
  விஜய் உட்கட்சி பிரச்னை: உதயாவின் 'அக்யூஸ்ட்' படத்தில் இடம் பெறுகிறதா?
• 
  போகியை புறக்கணித்தார் சுவாசிகா: பழசை மறப்பது சரியா?