Dinamalar

ரஜினி வாழ்க்கை படமாகுமா... ராகவேந்திரா திருமண மண்டபம் இடிப்பா... : சவுந்தர்யா ரஜினி பேட்டி

நடிகர் ரஜினிகாந்த் இளைய மகள் சவுந்தர்யா லவ் என்ற வெப்சீரிஸ் உருவாக்கி உள்ளார். பாலாஜி மோகன் இயக்க, அர்ஜூன்தாஸ், ஐஸ்வர்ய லட்சுமி நடிக்கிறார்கள். நாளை(அக்., 2) நெட்பிளிக்சில் ரிலீஸாகிறது. அது குறித்தும், பல்வேறு விஷயங்கள் குறித்தும் சவுந்தர்யா அளித்த பேட்டி...

மீண்டும் பட இயக்கம்
ஆறு எபிஷோடுகளாக இந்த வெப்சீரிஸ் வெளியாக உள்ளது. நான் சில ஆண்டுகளாக குடும்பம், குழந்தை என பிஸியாக இருந்ததால் படம் இயக்கவில்லை. வித் லவ் படத்தை தயாரித்தேன். அடுத்து இந்த வெப்சீரிஸ். இப்போது குழந்தைகள் வளர்ந்துவிட்டார்கள். அடுத்த படத்தை இயக்க கதை தயார் செய்து வருகிறேன். அடுத்த ஆண்டு படம் இயக்குவேன். நான் கோச்சடையான் படத்தை இயக்கினேன். அந்த டெக்னாலாஜியில் இப்போது அட்லி படப்பிடிப்பு நடத்தியது மகிழ்ச்சி. வருங்காலத்தில் நவீன டெக்னாலஜியில் ஒரு அனிமேசன் படம் பண்ண ஆசை.

அப்பா, கமல் படத்தில் பணியாற்ற ஆசை
சினிமா என்பது என் குடும்பம். அப்பாவை வைத்து இப்போது படம் இயக்குவேனா என தெரியவில்லை. அவர் அடுத்தடுத்த படங்களில் பிஸி. கமல் அங்கிள், அப்பா இணையும் படத்தை ஆர்வமாக பார்க்கிறோம். அந்த படத்தில் நான் எதாவது ஒருவகையில் இருப்பேனா என தெரியவில்லை. அதை இயக்குனர் நெல்சன் தான் முடிவு செய்யணும். ஆனால், அவர்கள் இருவரும் இணைந்து நடிக்கும் காட்சியை பார்க்க செல்வேன். ஒரே சூரியன், ஒரே சந்திரன், ஒரு சூப்பர்ஸ்டார். அது என் அப்பாதான். ஜெயிலர் 2 பார்க்க ஆர்வமாக இருக்கிறேன். முதற்பாகத்தை விட இதில் அப்பா அதிகமாக உழைத்து இருக்கிறார். என் தம்பி அனிருத் இசையும் சிறப்பாக இருக்கும்.

ரஜினி வாழ்க்கை படமாகுமா...
இப்போது தனது வாழ்க்கை வரலாற்றை அப்பா எழுதி வருகிறார். அது முக்கியமான புத்தமாக இருக்கும். அவ்வளவு விஷயங்கள் அதில் இருக்கிறது. நானும் படித்து இருக்கிறேன். விரைவில் அது புத்தகமாக வரும். அடுத்து அதை சினிமாவாக அல்லது வெப்சீரிஸ் ஆக எடுப்பது குறித்து யோசிக்கலாம். சிலர் அப்பா பயோகிராபியில் ரிஷிகாந்த் நடித்தால் நன்றாக இருக்கும் என சொல்கிறார்கள். நான் மொத ராத்திரி படத்தின் சில சீன்கள் பார்த்தேன். அவர் நடிப்பு அருமை. அப்பா மொழிநடையில் அந்த புத்தகம் வந்து மக்களிடம் ரீச் ஆகணும். அப்புறம், அதை சினிமாவாக எடுப்பது குறித்து, நடிகர்கள் குறித்து யோசிக்கலாம்.

ராகவேந்திரா மண்டம் இடிப்பு
எங்கள் குடும்பத்துக்கு சொந்தமான சென்னை, ஸ்ரீராகவேந்திரா திருமண மண்டபம், கடந்த 36 ஆண்டுகளாக இயங்கி வருகிறது. அது, சென்னையின் அடையாளங்களில் ஒன்று. காலத்துக்கு ஏற்ப மாற வேண்டும் என அப்பா சொல்வார். இனி, ராகவேந்திரா மண்டபமாக இயங்காது. அந்த இடத்தில் என்ன வரப் போகிறது என்பது குறித்து விரைவில் அறிவிப்போம். காதல் என்பது உலக அளவிலான விஷயம். இரண்டு மாறுபட்ட குணமுள்ள இரண்டு பேர் சந்திக்கும்போது என்ன நடக்கும் என்பதை இந்த வெப்சீரிசில் காண்பித்து இருக்கிறோம். இன்னும் சில மாறுபட்ட காதல்களையும், கேரக்டர்களை இதில் கொண்டு வந்து இருக்கிறோம். ஒரு எபிஷோடு முடியும்போது இந்த ஜோடிக்கு என்ன ஆகும் என்ற ஆர்வம் ஏற்படும்.

இவ்வாறு அவர் தெரிவித்தார்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்
• டுவிட்டர்

• 
  பாலி தீவில் விபத்தில் சிக்கிய பாலிவுட் நடிகை : சிகிசைக்காக மும்பை அழைத்து ...
• 
  சிகரெட் இல்லாவிட்டால் என்ன, பீடி கிடைக்குமே : ஜெயில் அதிகாரியை அதிரவைத்த ...
• 
  சல்மான்கானின் மாத்ருபூமிக்கு அனுமதி கிடைத்ததா?
• 
  ஹிந்தி 'திரிஷ்யம் 3' : முதல் நாளில் சாதனை வசூல்
• 
  'க்ரோர்பதி' நிகழ்ச்சியின் போது கீழே விழுந்ததில் அமிதாப் பச்சனுக்கு ...

• 
  ராஷ்மிகா மனைவியாகக் கிடைத்தது நான் செய்த பாக்கியம்! - விஜய் தேவரகொண்டா
• 
  அரசியல் மாநாடு போல் நடந்த சிவகார்த்திகேயன் நற்பணி இயக்க நிர்வாகிகள் ...
• 
  டிக்கெட் விற்பனை: முன்னணியில் நானியின் 'தி பாரடைஸ்'
• 
  குழந்தைகள் பெற்றுக்கொள்ள வேண்டாம் என முடிவு: வரலட்சுமி சரத்குமார் ஓபன் ...
• 
  ஜேசன் சஞ்சயை வைத்து படம் இயக்குவது எப்போது? ஓபனாகப் பேசிய இயக்குனர் அட்லி