Dinamalar

எனக்கு நானே போட்டி... - நடிகை ஷனம் ஷெட்டி

சினிமாவில் யார் போட்டிக்கு வந்தாலும் இப்போ இல்லை எப்பவுமே எனக்கு நான் போட்டி என பல படங்களில் நடிப்பு திறமையை நிரூபித்து, மாடலிங் துறையிலும் சாதித்து வரும் நடிகை சனம் ஷெட்டி மனம்திறக்கிறார்...
மாடலிங் துறையில் இருந்து சினிமாவுக்கு எப்படி
மாடலிங் துறையை விட இப்போது சினிமாவில் ரொம்ப கவனம் செலுத்துகிறேன். சென்ற ஆண்டு கொேரானாவால நிறைய படங்கள் வரல, ஆனா இப்போ சில படங்கள் வருது. சினிமா துறை நல்லா இருக்கு.
'ஊமை செந்நாய்' என்ற வித்தியாசமான தலைப்புள்ள படத்தில் நடிக்கிறீர்கள்
படம் அமைதியா இருக்கும், முக்கிய விஷயங்களை பேசும். எனக்கு கண்ணால் பேசுவது போன்ற காட்சிகள் நிறைய இருக்கு. ஹீரோ மைக்கேலுக்கு டாக்டர் கேரக்டர். நான் மெடிக்கல் ஷாப்பில் வேலை பார்க்கும் அமுதாங்குற கேரக்டர்ல மேக்கப் இல்லாமல் நடிச்சிருக்கேன்.
ஹீரோயின் முக்கியத்துவம் உள்ள கேரக்டர்கள்
தமிழ் சினிமாவில் இப்போது நிறைய மாற்றங்கள் வந்திருக்கு. ஜோதிகா, நயன்தாரா ஹீரோயின் கதைகளை தேர்ந்தெடுத்து நடிக்கிறாங்க, ஹீரோயின்களுக்கு முக்கியத்துவம் உள்ள கேரக்டர்கள் எனக்கும் வந்திருக்கு
இப்ப படங்கள் வாய்ப்பு எப்படி கிடைக்கிறது
அனைத்து துறைகளிலும் போட்டிகள் இருக்க தான் செய்கிறது, எனக்கு நானே போட்டியாக தான் நினைச்சுக்கிறேன். எனக்கு கிடைக்கும் கேரக்டர்களை சிறந்த முறையில் நடிக்க விரும்புகிறேன்
அடுத்து என்னென்ன படங்களில் நடிக்கிறீங்க
'எதிர்வினை ஆற்று', சிம்புவின் 'மகா' படத்தில் மகத்துக்கு ஜோடியா நடிச்சிருக்கேன்
உங்கள் தனிப்பட்ட வாழ்க்கையில் நிறைய பிரச்னை
என் தனிப்பட்ட வாழ்க்கையில் சந்தித்த பிரச்னைகள், அவமானங்கள், இழப்புகள் அதிகம். சினிமா பின்னணி இல்லாமல் நடித்து முன்னேறுவது ரொம்ப கஷ்டம். யார் என்ன விமர்சனம் சொன்னாலும், கனவுகள், லட்சியங்களில் இருந்து கீழே இறங்காமல் தைரியமா இருக்கணும். எல்லாருக்கும் திறமை இருக்கு. அதை வெளியே கொண்டு வரும் வாய்ப்புகள் குறைவு.
சமூக பிரச்னைகள் குறித்த கருத்து...
பள்ளி, கல்லுாரி மாணவிகளுக்கு ஏற்படும் இடையூறுகள் குறித்து அடிக்கடி பேசணும், பள்ளி, கல்லுாரி மாணவர்களுக்கு செக்ஸ் கல்வி அவசியம். பெண்களுக்கு கவுன்சிலிங் கொடுத்து, தகுந்த பாதுகாப்பு கொடுக்கணும். தண்டனைகள் கடுமையாக்க வேண்டும்.

• செய்திகள்
• ஆல்பம்
• வந்த படங்கள்

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பாடல்களாய் உலகம் சுற்றுவேன்
• 
  'டைம்' ரொம்ப முக்கியம்: சண்முக பாண்டியன் ‛பளீச்'
• 
  அந்தோணி பாட்டு... கிராமத்து மெட்டு
• 
  'நாயகி' ஆன பேஷன் டிசைனர் சுஷ்மா நாயர்
• 
  நான் கொடூரக்கோலத்தில் இருந்தாலும் என் கணவர் ரசிப்பார்..! கீர்த்தி சுரேஷ் ...