Dinamalar

51 ஆண்டுகளுக்கு பிறகு ரசிகர்களுக்காக ஜவான் மூலம் மீண்டும் இறங்கி வந்த பிரபல தியேட்டர்

அட்லீ இயக்கத்தில் ஷாரூக்கான் நடிப்பில் ஹிந்தியில் உருவாகியுள்ள படம் ஜவான். நயன்தாரா கதாநாயகியாக நடிக்க, விஜய்சேதுபதி வில்லனாக நடித்துள்ளார். முக்கிய வேடத்தில் யோகிபாபு நடித்துள்ளார். அனிருத் இசை அமைத்துள்ளார். இந்த படம் வரும் செப்டம்பர் 7ஆம் தேதி வெளியாக இருக்கிறது. இதற்கு முன்னதாக இந்த வருடத்திலேயே ஜனவரி மாதத்தில் வெளியான ஷாருக்கானின் பதான் திரைப்படம் சுமார் 1000 கோடிக்கு மேல் வசூலித்து சாதனை படைத்தது. ஜவான் படத்திற்கும் மிகப்பெரிய எதிர்பார்ப்பு இருப்பதால் இந்த படமும் அதேபோன்ற ஒரு சாதனையை படைக்கும் என எதிர்பார்க்கப்படுகிறது.

இந்த நிலையில் மும்பையில் உள்ள கெய்ட்டி கேலக்ஸி திரையரங்கில் ஜவான் படத்திற்காக ஆறு மணி சிறப்புக் காட்சி திரையிடப்பட இருக்கிறது. இதற்கு முன்னதாக பதான் படத்திற்கு 9 மணி சிறப்புக் காட்சி திரையிடப்பட்டது. இதில் ஆச்சரியம் என்னவென்றால் கடந்த 50 வருடங்களாக இதுபோன்று 9 மணி, 6 மணி சிறப்பு காட்சிகளை திரையிடுவதில்லை என்கிற கொள்கையுடன் இந்த திரையரங்கம் நடைபெற்று வருகிறது.

இந்த நிலையில் முதன்முறையாக ஷாரூக்கானின் பதான் படத்திற்காக 9 மணி சிறப்பு காட்சியும் அடுத்ததாக மீண்டும் ஜவான் படத்திற்காக 6 மணி சிறப்பு காட்சியும் திரையிடும் விதமாக ரசிகர்களுக்காக தங்களது கொள்கையை தியேட்டர் நிர்வாகம் தளர்த்திக் கொண்டுள்ளது. இதைத்தொடர்ந்து ஷாரூக்கான் ரசிகர்கள் உற்சாகமாக இந்த செய்தியை பகிர்ந்து வருகின்றனர்.

• 
  ரிஷப் ஷெட்டி படத்தில் இருந்து விலகி விட்டேனா ? ஹனுமன் நடிகர் மறுப்பு
• 
  பிரபாஸிற்கு வில்லனாக நடிக்கும் ஈரானிய நடிகர்
• 
  பேவரைட் ஆஸ்திரேலிய நடிகையுடன் புத்தாண்டை கொண்டாடிய நதியா
• 
  நான் ஹிந்தியில் படம் இயக்கினால் இவர்தான் ஹீரோ : வினோத்
• 
  பராசக்தி படத்தை வெளியிட தடையில்லை : நீதிமன்றம் உத்தரவு

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்