பாலிவுட் நடிகர் அகில் மிஸ்ரா தவறி விழுந்து திடீர் மரணம்

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

22 செப், 2023 - 12:24 IST

எழுத்தின் அளவு:

டான், காந்தி மை பாதர், ஷிகார், 3 இடியட்ஸ், கல்கத்தா மெயில், ரேடியோ உள்ளிட்ட பல படங்களில் நடித்தவர் அகில் மிஸ்ரா. ஏராளமான தொலைக்காட்சி தொடர்களிலும் நடித்துள்ளார். இவரது மனைவி சூசான் பெர்னார்டும் நடிகை. 67 வயதான அகில் மிஸ்ரா மும்பையில் தனது குடும்பத்தினருடன் வசித்து வந்தார். நேற்று அவர் வீட்டை சுத்தப்படுத்தும் பணியில் ஈடுபட்டிருந்தபோது ஏணியில் ஏறி உயரமான பகுதியை சுத்தப்படுத்தினார். அப்போது எதிர்பாராத விதமாக ஏணி சரிந்து விழுந்தது. இதில் தலையில் பலத்த காயம் அடைந்த அவரை அருகில் உள்ள மருத்துவமனையில் சேர்த்தனர். அங்கு சிகிச்சை பலன் இன்றி மரணம் அடைந்தார்.

கணவர் இறந்த தகவல் கிடைத்ததும் ஐதராபத்தில் படப்பிடிப்பில் இருந்த மனைவி சூசான் உடனடியாக விமானத்தில் மும்பை திரும்பினார். இதுகுறித்து அவர் தனது எக்ஸ் பக்கத்தில் “என் இதயம் உடைந்தது, என் வாழ்க்கை துணை என்னை விட்டு வெகுதூரம் சென்று விட்டார்” என்று பதிவிட்டுள்ளார். அகில் மிஸ்ராவின் மறைவுக்கு திரையுலகினரும், ரசிகர்களும் இரங்கல் தெரிவித்துள்ளனர்.

Akhilmishra

கருத்துகள் (0) கருத்தைப் பதிவு செய்ய

விநாயகர் சதுர்த்தி கொண்டாட்டத்தில் ...

அனிமல் படத்திலிருந்து அனில் கபூர் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய