Dinamalar

ஹிந்தியில் ஆண்ட்ராய்டு குஞ்சப்பன் - சரி வருவாரா அனில் கபூர்

கடந்த இரண்டு வருடங்களுக்கு முன்பு மலையாளத்தில் மிக குறைந்த பட்ஜெட்டில் வெளியாகி வெற்றி பெற்ற படம் ஆண்ட்ராய்டு குஞ்சப்பன். ஒரு வயதான பெரியவருக்கும், அவரை கவனித்துக் கொள்வதற்காக அவரது மகன் ஏற்பாடு செய்யும் சிறிய ரோபோவுக்குமான பாசப்பிணைப்பு தான் இந்த படம். நகைச்சுவை நடிகரான சுராஜ் வெஞ்சரமூடு இந்த படத்தில் 70 வயது கிழவராக நடித்திருந்தார். மலையாளத்தில் வெற்றி பெற்றதை தொடர்ந்து இந்த படம் தமிழில் கேஎஸ் ரவிக்குமார் தயாரிப்பில் கூகுள் குட்டப்பா என்கிற பெயரில் உருவாகி வருகிறது. இதில் 60 வயது பெரியவராக கே எஸ் ரவிக்குமார் நடிக்கிறார்.

இந்த நிலையில் இந்த படத்தின் ஹிந்தி ரீமேக் உரிமையும் வாங்கப்பட்டுள்ளது. இதன் ஹிந்தி ரீமேக்கில் வயதான கதாபாத்திரத்தில் அனில் கபூர் நடிக்க இருக்கிறார் என்கிற செய்திகள் வெளியாகியுள்ளன. பெரும்பாலும் தென்னிந்திய மொழிகளில் ஹிட்டான படங்களை ஹிந்தியில் ரீமேக் செய்து நடித்தே நிறைய வெற்றிகளை குவித்தவர் தான் அனில்கபூர். அதேசமயம் நிஜத்திலேயே அவருக்கு அறுபது வயதானாலும் எப்போதும் இளமைத் தோற்றத்துடன் தான் வலம் வருகிறார். படங்களிலும் அப்படியே நடித்து வருகிறார். சுராஜ் வெஞ்சாரமூடு போலவோ கேஎஸ் ரவிக்குமார் போலவோ வயதான தோற்றத்தில் நடிக்க அவர் முன் வருவாரா, அப்படியே நடித்தாலும் அந்த கதாபாத்திரத்தில் அவரால் பொருந்த முடியுமா என்பது சந்தேகம் தான்.

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்