Dinamalar

மறக்க முடியுமா? - என் புருசன் குழந்தை மாதிரி

படம் : என் புருசன் குழந்தை மாதிரி
வெளியான ஆண்டு : 2001
நடிகர்கள் : லிவிங்ஸ்டன், தேவயானி, விந்தியா, வடிவேலு
இயக்கம் : எஸ்.பி.ராஜ்குமார்

'அடுத்த முறை இதை விட அதிகமா கூவணும்...' என, வடிவேலு காமெடியில் அதகளம் செய்த படம், என் புருசன் குழந்தை மாதிரி. 'செத்து செத்து விளையாடுவோமோ, மாமனுக்கு மரியாதை இல்லையா...' போன்ற காமெடி எல்லாம், வேறு லெவல்! இப்படத்தின் காமெடி காட்சிகள் இன்றும், 'மீம்ஸ்' வழியே, பட்டையை கிளப்பி வருகின்றன.

ஊர் செல்வந்தராக இருக்கும் முருகேசனுக்கு, தன் மாமன் மகளான மகேஸ்வரி மீது காதல். இதற்காக, சில கிறுக்குத்தனமான காரியங்களில் ஈடுபடுகிறார். இந்நிலையில் முருகேசனுக்கும், மகேஸ்வரிக்கும் திருமணம் நடக்கிறது. இதற்கிடையில், நடனக் கலைஞரான சிந்தாமணியின் கர்ப்பத்திற்கு, முருகேசன் காரணமாகிறார். மகேஸ்வரியும் கர்ப்பமாக இருக்கிறார். இந்த பிரச்னையை, முருகேசன் எப்படி சமாளிக்கிறார் என்பதே, படத்தின் திரைக்கதை.

ஆர்வக்கோளாறு, அப்பாவி என, பொறியில் சிக்கிய எலி போன்ற முருகேசன் கதாபாத்திரத்தில், லிவிங்ஸ்டன் மிக பொருத்தமாக நடித்திருந்தார். மகேஸ்வரியாக தேவயானியும்; சிந்தாமணியாக விந்தியாவும் தங்கள் கதாபாத்திரத்தை மிக சிறப்பாக செய்திருந்தனர். வடிவேலுவை, படத்தின் துாண் எனக் கூறலாம். அவர் இடம் பெறும் காட்சிகளில் எல்லாம், தியேட்டர் வெடித்து சிரித்தது.

தேவாவின் இசையில், 'ஆடிய ஆட்டம், சித்திரையே, நாலு அடி ஆறு அங்குலம், பட்டாம்பூச்சி, வாழ வைக்கும், வெண்ணிலா...' பாடல்கள் தாளம் போடச் செய்தன. இப்படம், வசூல் ரீதியாக வெற்றி பெற்றதை தொடர்ந்து, மா அயநா சண்டி பில்லாடு எனும் பெயரில், தெலுங்கில், 'ரீமேக்' செய்யப்பட்டது.

நீதி, நேர்மை எதுவும் இல்லை என்றாலும், என் புருசன் குழந்தை மாதிரி வரவேற்கப்பட்டது.

• 
  தர்மேந்திரா உடன் மீண்டும் இணைந்து நடிக்கும் அர்பாஸ் கான்
• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்

• 
  மறக்க முடியுமா? - வெயில்
• 
  மறக்க முடியுமா? - திமிரு
• 
  மறக்க முடியுமா? - வேட்டையாடு விளையாடு
• 
  மறக்க முடியுமா? - வரலாறு
• 
  மறக்க முடியுமா? - தம்பி