Dinamalar

மே ஹூம் மூஸா டப்பிங்கை முடித்த சுரேஷ்கோபி

மலையாள நடிகரான சுரேஷ்கோபி கடந்த சில வருடங்களுக்கு முன்பு அரசியலில் இறங்கியதால் சினிமாவில் சிறிய இடைவெளி விட்டார். இருந்தாலும் மீண்டும் முன்பு போல பிஸியாக நடிக்க துவங்கியுள்ளார். அந்த வகையில் கடந்த சில தினங்களுக்கு முன்பு பிரபல இயக்குனர் ஜோஷிம் டைரக்ஷனில் சுரேஷ்கோபி நடித்த பாப்பன் என்கிற திரைப்படம் வெளியானது. இது ரசிகர்களிடம் மிகப்பெரிய வரவேற்பை பெற்றதுடன் கேரளாவில் தற்போது பெய்துவரும் அடை மழையிலும் பல இடங்களில் ஹவுஸ்புல் காட்சிகளாக ஓடிக்கொண்டிருக்கிறது.

இது ஒரு பக்கம் இருக்க இப்போது வெளியாகியுள்ள பாப்பன், வெளியாக உள்ள ஒத்தக்கொம்பன், தமிழில் நடித்து வரும் தமிழரசன், இதற்கு முன் வெளியான காவல் என இவரது படங்கள் நீண்ட நாட்களாக படப்பிடிப்பில் இருந்து ஒவ்வொன்றாக நிறைவு பெற்று வந்த நிலையில், குறுகிய காலத்தில் ஆரம்பிக்கப்பட்ட மே ஹூம் மூஸா என்கிற திரைப்படத்தின் படப்பிடிப்பு விறுவிறுப்பாக முடிவுபெற்று தற்போது இந்த படத்தின் டப்பிங் பணிகளையும் முடித்துள்ளார் சுரேஷ்கோபி. நடிகர் பிஜுமேனனை வைத்து அரசியல் நையாண்டி படமாக உருவான வெள்ளிமூங்கா படத்தை இயக்கிய ஜிபு ஜேக்கப் தான் இந்த படத்தை இயக்கி உள்ளார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...
• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...
• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை