Dinamalar

ரிலீஸுக்கு முன்பே டெலீட் சண்டைக்காட்சியை வெளியிட்ட பாரோஸ் படக்குழு

மலையாள திரையுலகில் கிட்டத்தட்ட 40 வருடங்களுக்கு மேலாக முன்னணி கதாநாயகனாக நடித்து வரும் மோகன்லால், தனது நீண்டநாள் கனவான டைரக்சன் ஆசையையும் நிறைவேற்றும் விதமாக தற்போது பாரோஸ் என்கிற படத்தை இயக்கி வருகிறார். வரலாற்று பின்னணியில் 3-டி யில் உருவாகி வரும் இந்த படத்தில் போர்ச்சுக்கீசியரான வாஸ்கோடகாமா நம் நாட்டில் நுழைந்து வாணிபம் செய்தபோது சேர்த்துவைத்த சொத்துக்களை பாதுகாக்கும் பாரோஸ் என்கிற பாதுகவாலன் கதாபாத்திரத்திலும் மோகன்லால் நடிக்கிறார்.

சந்தோஷ் சிவன் இந்த படத்திற்கு ஒளிப்பதிவு செய்கிறார். இந்தியாவின் முதல் 3டி படமாக உருவான மை டியர் குட்டிச்சாத்தான் என்கிற திரைப்படத்திற்கு கதை எழுதிய ஜிஜோ புன்னூஸ் என்பவர் தான் இந்தப்படத்தின் கதையையும் எழுதியுள்ளார். இந்த படத்தின் பணிகளை கவனிப்பதற்காகவே அதிக படங்களில் நடிப்பதை குறைத்துக்கொண்டு இந்த படத்தின் போஸ்ட் புரொடக்ஷன் பணிகளை கவனம் செலுத்தி வருகிறார் மோகன்லால்.

இந்த நிலையில் இந்த படத்திற்காக எடுக்கப்பட்ட சண்டைக்காட்சி ஒன்றின் வீடியோவை படக்குழுவினர் சோசியல் மீடியாவில் வெளியிட்டுள்ளனர். இந்த காட்சி படத்தொகுப்பின்போது அதிலிருந்து வெட்டி நீக்கப்பட்ட காட்சி என்றும் குறிப்பிட்டுள்ளனர். பொதுவாக ஒரு படம் வெளியானபிறகு அதிலிருந்து நீக்கப்பட்ட காட்சிகள் என வெளியிடப்படுவது தான் வழக்கம். ஆனால் படம் ரிலீஸ் ஆகும் முன்பே இப்படி நீக்கப்பட்ட காட்சியை மோகன்லால் படக்குழுவினர் வெளியிட்டு இருப்பது ஆச்சரியம்தான்..

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...
• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...
• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை