Dinamalar

காமெடி படத்திற்கு நடிகர் திலகம் டைட்டிலா ? - சிவாஜி ரசிகர்கள் அதிருப்தி கடிதம்

மலையாளத்தில் இளம் முன்னணி நடிகராக தொடர்ந்து வெற்றி படங்களை கொடுத்து வருபவர் டொவினோ தாமஸ். படத்திற்கு படம் வித்தியாசமான கதைக்களங்களையும் கதாபாத்திரங்களையும் தேர்ந்தெடுத்து நடித்து வருகிறார். அந்த வகையில் தற்போது அவர் நடித்து வரும் படங்களில் ஒன்றுதான் 'நடிகர் திலகம்'. இந்த படத்தில் சூப்பர் ஸ்டார் டேவிட் படிக்கல் என்கிற ஒரு சினிமா நடிகர் கதாபாத்திரத்தில் நடித்துள்ளார் டொவினோ தாமஸ். கதாநாயகியாக பாவனா நடிக்கிறார். பிரித்விராஜ் நடித்த டிரைவிங் லைசென்ஸ் படத்தை இயக்கிய லால் ஜூனியர் இந்த படத்தை இயக்கியுள்ளார். கிட்டத்தட்ட 40 கோடி செலவில் இந்த படம் உருவாகியுள்ளதாக சொல்லப்படுகிறது.

அதே சமயம் இந்த படம் முழு நீள காமெடி படமாகவும் உருவாகி வருகிறது. ஆனால் அப்படிப்பட்ட கதைக்கு தாங்கள் ஆராதிக்கும் நடிகர் திலகம் சிவாஜி கணேசனின் பட்டத்தை டைட்டிலாக வைத்தது தங்களுக்கு வருத்தம் அளிப்பதாக நடிகர் திலகம் சிவாஜி சமூக நல பேரவையைச் சேர்ந்தவர்கள் அதிருப்தி அடைந்துள்ளனர். இதுகுறித்து மலையாள நடிகர் சங்கத்திற்கு அவர்கள் எழுதியுள்ள கடிதத்தில் இப்படி ஒரு படத்திற்கு நடிகர் திலகம் என டைட்டில் வைக்கப்பட்டுள்ளதால் தாங்கள் மனவேதனை அடைந்ததாக குறிப்பிட்டுள்ளனர். அதே சமயம் படத்தின் டைட்டிலை மாற்ற வேண்டும் என்பது போன்ற கோரிக்கையை அவர்கள் வைத்ததாக தெரியவில்லை.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...
• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...
• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை