Dinamalar

வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி

மலையாள திரையுலகில் வில்லன் நடிகராக அறிமுகமாகி குணச்சித்திர மற்றும் கதையின் நாயகனாக நடிக்கும் அளவிற்கு உயர்ந்தவர் நடிகர் ஷைன் டாம் சாக்கோ. தமிழில் பீஸ்ட் படத்தில் நடித்த இவர் அந்த படம் குறித்தும் விஜய் குறித்தும் கிண்டலாக பேசி சர்ச்சையில் சிக்கினார். தொடர்ந்து தெலுங்கு மற்றும் தமிழில் வில்லனாக நடித்து வரும் ஷைன் டாம் சாக்கோ இந்த வருடம் கார்த்திக் சுப்பராஜ் இயக்கத்தில் வெளியான ஜிகர்தண்டா டபுள் எக்ஸ் படத்தில் வில்லனாக நடித்திருந்தார். தற்போது ஜூனியர் என்டிஆருடன் தேவரா படத்திலும் நடித்து வருகிறார்.

கடந்த சில மாதங்களுக்கு முன்பு இவருக்கும் தனுஜா என்கிற மாடல் அழகிக்கும் திருமண நிச்சயதார்த்தம் நடைபெற்றது. மணப்பெண் சாக்கோவின் நீண்டநாள் தோழியும் கூட. இந்த நிலையில் சமீபத்தில் சாக்கோ தனது சோசியல் மீடியா பக்கத்தில் இருந்து தாங்கள் இருவரும் எடுத்துக்கொண்ட ஒரு சில புகைப்படங்களை நீக்கியுள்ளார்.

இப்படி காதல் ஜோடிகள் தங்கள் புகைப்படத்தை நீக்கினாலே இருவருக்கும் பிரேக்கப் என்பது போலத்தான் உடனே செய்திகள் பரவ ஆரம்பிக்கும். இவர்கள் விஷயத்திலும் அதே போல செய்தி பரவ ஆரம்பிக்க, சாக்கோவின் காதலி தனுஜா தாங்கள் இருவரும் நெருக்கமாக எடுத்த புகைப்படம் ஒன்றை தனது சோஷியல் மீடியா பக்கத்தில் வெளியிட்டு தங்களுக்குள் பிரிவில்லை என இந்த வதந்திக்கு முற்றுப்புள்ளி வைத்துள்ளார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  டொவினோ தாமஸின் படத்தில் சிறப்பு தோற்றத்தில் நடிக்கும் பிரித்விராஜ்
• 
  'சேவ் பாக்ஸ்' மோசடி வழக்கு ; அமலாக்கத்துறை விசாரணைக்கு ஆஜரான நடிகர் ...
• 
  2026ல் ஓணம் பண்டிகைக்கு வெளியாகும் நிவின் பாலி, மமிதா பைஜூ படம்
• 
  பிரபாஸின் 'தி ராஜா சாப்' படத்தின் டிரைலர் இன்று வெளியாகவில்லை! வதந்தியை ...
• 
  வார் 2 படத்தால் நஷ்டமா... : தயாரிப்பாளர் விளக்கம்