Dinamalar

தெலுங்கில் ரத்தாகும் படப்பிடிப்புகள்

கொரோனா பரவலின் அடுத்த அலை முன்பைக் காட்டிலும் மிக வேகமாகப் பரவி வருகிறது. ஒரு சில மாநிலங்களில் குறிப்பிட்ட லாக் டவுன் அறிவிக்கப்பட்டுள்ள நிலையில் மக்களின் நடமாட்டம் கொஞ்சம் கொஞ்சமாகக் குறைந்து வருகிறது. தியேட்டர்களில் கடந்த வாரத்தை விட இந்த வாரம் மக்களின் வருகை குறிப்பிட்ட அளவில் குறைந்துள்ளதாகத் தெரிவிக்கிறார்கள்.

தெலுங்குத் திரையுலகத்தில் சில பிரபலங்கள் கொரோனா தாக்கத்தால் பாதிக்கப்பட்டு சிகிச்சை எடுத்து வருகிறார்கள். அதன் காரணமாக சில சினிமா படங்களின் படப்பிடிப்புக்களை அக்குழுவினர் ரத்து செய்துள்ளார்கள்.

சில பெரிய படங்களின் படப்பிடிப்பு மட்டும் தற்போது நடந்து வருகிறதாம். அவையும் அடுத்த சில நாட்களில் நிறுத்தப்படலாம் எனத் தெரிகிறது. சினிமா படப்பிடிப்பு நிறுத்தப்பட்டால் சின்னத் திரைத் தொடர்களின் படப்பிடிப்புகளும் நிறுத்தப்படலாம் என்கிறார்கள். அதன் காரணமாக டிவிக்களில் ஒளிபரப்பாகி வரும் நெடுந்தொடர்களுக்கும் பாதிப்பு வர வாய்ப்புள்ளது.

கடந்த வருடம் கொரோனா தாக்கிய போதே எழுந்து கொள்ள முடியாத திரையுலகம் இந்த வருடத்தில் கொஞ்சம் மீள ஆரம்பித்தது. இப்போது மீண்டும் தாக்கம் என்பதால் அடுத்த மீள்வுக்கு இன்னும் பல மாத காலம் ஆகலாம் என வருத்தத்துடன் சொல்கிறார்கள்.

• 
  தமன்னா நடிக்கும் 'விவான்' படத்தின் படப்பிடிப்பு தொடங்கியது!
• 
  முகமூடி அணிந்து ரசிகர்களிடம் நேரடியாக பட விமர்சனம் கேட்ட அக்ஷய் குமார்
• 
  தர்மேந்திரா உடன் மீண்டும் இணைந்து நடிக்கும் அர்பாஸ் கான்
• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?

• 
  ஆண்கள் பார்வையில் வெளியான குடும்ப வன்முறை படம் ; கண் கலங்கிய நடிகர் பாலா
• 
  தந்தையின் இறுதிச்சடங்கு.. ஸ்ட்ரெச்சரில் வந்த தாய் ; கதறியழுத வில்லன் ...
• 
  உன்னி முகுந்தன் பிரச்னையில் தலையிட்டு தீர்த்து வைத்த பெப்கா
• 
  நடிகையின் தங்கை நகைக்கடையில் 69 லட்சம் நூதன மோசடி செய்த ஊழியர்கள்
• 
  ரவிதேஜாவின் 76வது படம் ரிலீஸ் தேதியுடன் அறிவிப்பு