திருட்டுபயலே 2 ஹிந்தி ரீமேக் தொடங்கியது

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

திருட்டுபயலே 2 ஹிந்தி ரீமேக் தொடங்கியது

19 அக், 2021 - 02:42 IST

எழுத்தின் அளவு:

பைவ் ஸ்டார், விரும்புகிறேன், கந்தசாமி, திருட்டுப்பயலே படங்களை இயக்கியவர் சுசி.கணேசன். அதன்பிறகு பாலிவுட் பக்கம் போனார். ஆனால் அங்கு பெரிய அளவில் சாதிக்க முடியவில்லை. மீண்டும் திரும்பி, திருட்டுபயலே படத்தின் இரண்டாம் பாகத்தை இயக்கினார். தற்போது இந்த படத்தை ஹிந்தியில் ரீமேக் செய்கிறார்.

இந்த படத்திற்கு 'தில் ஹே கிரே' என்ற டைட்டில் வைக்கப்பட்டுள்ளது. தமிழில் இதன் அர்த்தம், இதயத்தின் நிறம் சாம்பல். இந்த உலகத்தில் வெள்ளை மனம் கொண்டவர்களும் இருக்கிறார்கள். கறுப்பு மனம் உள்ளவர்களும் இருக்கிறார்கள். கிரே இதயம் என்றால் வெள்ளை, கறுப்பு என இரண்டும் கலந்தது. அப்படி ஒரு கிரே இதயம் படைத்த மனிதர்களின் கதையை சொல்லும் படம் என்பதால் இந்த தலைப்பு என்று தலைப்பு விளக்கம் சொல்லியிருக்கிறார்கள்.

இதில் நாயகனாக வினித் குமார் சிங் நடிக்கிறார். நாயகியாக ஊர்வசி ரவுட்லா நடிக்கிறார். முக்கிய வேடத்தில் அக்ஷய் ஒப்ராய் நடிக்கிறார். நாயகியின் அம்மாவாக சீதா நடிக்கிறார். சீதா இந்தப் படத்தின் மூலம் முதன் முறையாக ஹிந்தியில் அறிமுகமாகிறார். இவர்களுடன், இயக்குநர் சுசி கணேசன் உயர் போலீஸ் அதிகாரியாக நடிக்கிறார். பிரபல கன்னடத் தயாரிப்பு நிறுவனமான சுரஜ் புரொடக்ஷன் எம்.ரமேஷ் ரெட்டி தயாரிக்கிறார்.

thiruttupayale2

susiganesan

dilHaigray

கருத்துகள் (0) கருத்தைப் பதிவு செய்ய

ஐஸ்வர்யா ராஜேஷ் - நெல்சன் வெங்கடேசன் ...

பூனைக்கு மணி கட்டுவது யார்..?

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய