Dinamalar

மீண்டும் வெளிவருகிறது ‛தி மேட்ரிக்ஸ்'

மறுவெளியீடு என்பது சினிமாவில் அவ்வப்போது நிகழ்கிற ஒன்று. தமிழ் சினிமாவை பொறுத்தவரை எம்.ஜி.ஆர், சிவாஜி படங்கள் மறு வெளியீடு செய்யப்பட்டது. இதுதவிர கமல், ரஜினி நடித்த சில படங்களும் மறுவெளியீடு செய்யப்பட்டது, பாலிவுட்டில் ஷோலே, முகலே ஆலம் உள்ளிட்ட சில படங்கள் மறுவெளியீடு செய்யப்பட்டது. இதுபோன்று ஹாலிவுட்டில் பென்ஹர், டென் காமாண்ட் உள்ளிட்ட படங்கள் வெளியானது.

தற்போது தி மேட்ரிக்ஸ் படம் மறு வெளியீடு செய்யப்படுகிறது. இந்த படத்தின் 4வது பாகம் வருகிற டிசம்பர் 22ம் தேதி வெளியாகிறது. இந்த படத்தை புரமோட் செய்யும் பணியின் ஒரு பகுதியாக முதல் பாகத்தை மறுவெளியீடு செய்கிறது வார்னர் பிரதர்ஸ் நிறுவனம்.

1999ம் ஆண்டு வக்காவ்ஸ்கி சகோதரிகள் இயக்கத்தில் வெளியான படம் தி மேட்ரிக்ஸ். கேயானு ரீவ்ஸ் நடித்த இந்தப் படம் உலகம் முழுவதும் பெரும் வரவேற்பைப் பெற்றது. இதை தொடர்ந்து 2003ம் ஆண்டு தி மேட்ரிக்ஸ் ரீலோடட் என்ற பெயரில் இரண்டாம் பாகமும், அதே ஆண்டின் இறுதியில் தி மேட்ரிக்ஸ் ரெவல்யூஷன்ஸ் என்ற பெயரில் 3ம் பாகமும் வெளிவந்தது.

தற்போது 17 ஆண்டுகளுக்குப் பிறகு தி மேட்ரிக்ஸ் படத்தின் 4வது பாகம் உருவாகியுள்ளது. இதில் கேயானு ரீவ்ஸ், கேரி ஆன் மோஸ் உள்ளிட்டோர் மீண்டும் நடித்துள்ளனர். வச்சோவ்ஸ்கி சகோதரிகளான லானா மற்றும் லில்லி இயக்கியுள்ளனர். இதன் வெளியீட்டுக்கு முன் தி மேட்ரிக்ஸ் முதல் பாகத்தை வெளியிட வார்னர் பிரதர்ஸ் நிறுவனம் திட்டமிட்டுள்ளது. அதன்படி இந்தியாவில் டிசம்பர் 3ம் தேதி வெளியாகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா