Dinamalar

தல வேண்டாம்... ஏகே கூட ஓகே : அஜித் வேண்டுகோள்

சென்னை : நடிகர் அஜித்குமார் தன்னை ‛தல என அழைக்க வேண்டாம், அஜித் குமார், அஜித் அல்லது ‛ஏகே என்று கூட குறிப்பிடுங்கள் என கேட்டுக் கொண்டுள்ளார்.

தமிழ் சினிமாவில் முன்னணி நடிகராக வலம் வருபவர் அஜித் குமார். ஏராளமான ரசிகர்களை கொண்டுள்ள இவர் ஏற்கனவே ரசிகர் மன்றமே வேண்டாம் என கலைத்துவிட்டார். ரசிகர்கள் அவரவர் வேலையை பாருங்கள் என அறிவித்திருந்தார். அதோடு தன்னை அல்டிமேட் ஸ்டார் என ரசிகர்கள் பட்டப்பெயர் வைத்து அழைத்தபோது அப்படி அழைக்க வேண்டாம் என அறிவித்தார். மேலும் தன்னுடைய படங்களிலும் அஜித் குமார் என்றே தனது பெயர் வரும்படி பார்த்துக் கொண்டார். இருப்பினும் ரசிகர்கள் இவரை ‛தல தல என்று தான் அழைத்து வந்தனர். தன் ரசிகர் மன்றத்தை அஜித் கலைத்தாலும் அவருக்கென்று ஒரு தனிக்கூட்டம் உள்ளது. அதிலும் சமூகவலைதளங்களில் ரசிகர்கள் செய்யும் அலப்பறை தாங்க முடியாது. சமயங்களில் எல்லை மீறிய சண்டைகள் கூட நடந்தேறி உள்ளது.

இந்நிலையில் திடீரென நடிகர் அஜித் தன்னை தல என்று அழைக்க வேண்டாம் என கேட்டுக் கொண்டுள்ளார். இதுதொடர்பாக அவர் வெளியிட்ட அறிக்கையை அவரது மேலாளர் சுரேஷ் சந்திரா வெளியிட்டுள்ளார். அதில், ‛‛மரியாதைக்குரிய ஊடக, பொது ஜன மற்றும் என் உண்மையான ரசிகர்களுக்கு... இனி வரும் காலங்களில் என்னை பற்றி எழுதும் போதோ, என்னை பற்றி குறிப்பிட்டு பேசும்போதோ என் இயற்பெயரான அஜித் குமார், அஜித் அல்லது ஏகே என்றோ குறிப்பிட்டால் போதுமானது. தல என்றோ வேறு ஏதாவது பட்ட பெயர்களையோ குறிப்பிட்டு அழைக்க வேண்டாம் என அன்போடு வேண்டுகோள் விடுக்கிறேன். உங்கள் அனைவரின் ஆரோக்கியம் உள்ள உவகை, வெற்றி, மன அமைதி, மன நிறைவு உள்ளிட்ட சகலமும் கிடைக்க வாழ்த்துகிறேன்.

இவ்வாறு அஜித் தெரிவித்துள்ளார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!