மகான் ஓடிடி ரிலீஸ், வருத்தத்தில் விக்ரம் ரசிகர்கள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'மகான்' ஓடிடி ரிலீஸ், வருத்தத்தில் விக்ரம் ரசிகர்கள்

26 ஜன, 2022 - 01:43 IST

எழுத்தின் அளவு:

'சேது' படத்தின் மூலம் தமிழ் சினிமாவில் பெரும் தாக்கத்தை ஏற்படுத்தியவர் விக்ரம். அதன்பின் அவர் நடித்த படங்கள், கதாபாத்திரங்கள் அவருக்கென ஒரு தனி இடத்தை தமிழ் சினிமாவில் தேடிக் கொடுத்தது.

விக்ரம் மகன் துருவ் விக்ரம் 2019ல் வெளிவந்த 'ஆதித்ய வர்மா' படம் மூலம் நடிகராக அறிமுகமானார். அந்தப் படம் பெரிய அளவில் ஓடவில்லை என்றாலும் துருவ்வுக்கு நல்ல அறிமுகத்தைக் கொடுத்தது. தன்னுடைய இரண்டாவது படமான 'மகான்' படத்தில் அப்பா விக்ரமுடன் இணைந்து நடிக்கும் வாய்ப்பும் அவருக்கு அமைந்தது.

அப்பா, மகன் இருவருமே நாயகர்களாக இணைந்து நடிக்கும் படங்கள் தமிழ் சினிமாவில் அபூர்வமாக அமைபவை. சிவாஜிகணேசன் - பிரபு, சத்யராஜ் - சிபிராஜ், கார்த்திக் - கவுதம் கார்த்திக் என சில கூட்டணி அதில் குறிப்பிட வேண்டியவை.

அந்த வரிசையில் விக்ரம், துருவ் விக்ரம் இருவரும் இணைந்த முதல் படமான 'மகான்' படம் தியேட்டர்களில் வெளிவந்தால் அதைக் கொண்டடலாம் எனக் காத்திருந்த விக்ரம் ரசிகர்களுக்கு ஒரு ஏமாற்றம்தான். 'மகான்' படம் ஓடிடி தளத்தில் அடுத்த மாதம் வெளியாவதால் அவர்களால் இந்த அபூர்வக் கூட்டணியை தியேட்டர்களில் கொண்டாட முடியாத நிலை ஏற்பட்டுள்ளது. இது ரசிகர்களுக்கு மட்டும் வருத்தமாக இருக்காது, விக்ரம், துருவ் விக்ரம் இருவருக்கும் கூட வருத்தமாகத்தான் இருக்கும்.

Mahaan

Vikram

OTT

கருத்துகள் (0) கருத்தைப் பதிவு செய்ய

ஆந்திராவில் என்டிஆர் பெயரில் புதிய ...

தனுஷூடன் நடிக்கு ராஜா ராணி நடிகை

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய