Dinamalar

விஜய் 66 - இசையமைப்பாளர், கதாநாயகி வாய்ப்பு யாருக்கு?

விஜய்யின் 65வது படமாக உருவாகி வரும் 'பீஸ்ட்' படம் கோடை விடுமுறையில் வெளியாகும் என்று எதிர்பார்க்கப்படுகிறது. அதற்கடுத்து விஜய்யின் 66வது படத்தை தமிழ், தெலுங்கு மொழிகளில் தயாரிக்க உள்ளார்கள். அப்படத்தை தெலுங்கு இயக்குனரான வம்சி பைடிபள்ளி இயக்க உள்ளார்.

இப்படத்தின் படப்பிடிப்பு மார்ச் மாதம் முதல் ஆரம்பமாக உள்ளது என அப்படத்தின் தயாரிப்பாளர் தில் ராஜு சமீபத்திய பேட்டி ஒன்றில் தெரிவித்திருந்தார். இன்னும் ஒரு மாதமே படப்பிடிப்புக்கு உள்ள நிலையில் படத்தின் இசையமைப்பாளர், கதாநாயகி வாய்ப்பு யாருக்கு கிடைக்கும் என்ற எதிர்பார்ப்பு ரசிகர்களிடம் உள்ளது.

இப்படத்திற்கு தெலுங்கில் சமீப காலங்களில் கலக்கிக் கொண்டிருக்கும் தமன் இசையமைக்க உள்ளதாக ஏற்கெனவே தகவல் வெளியாகியது. விஜய்யின் 65வது படமாக 'பீஸ்ட்' படம் அறிவிக்கப்படுவதற்கு முன்பு ஏஆர் முருகதாஸ் இயக்கத்தில் தான் விஜய் நடிப்பதாக இருந்தது. அப்போது அந்தப் படத்திற்கு தமன் தான் இசையமைப்பாளராக இருந்தார். ஆனால், முருகதாஸ் படத்தை இயக்கவில்லை என்றானதும் தமனும் அப்படத்தில் பணியாற்றவில்லை. எனவே, விஜய்யின் 66வது படத்தில் தமன் இசையமைக்கவே வாய்ப்புகள் அதிகம் என்கிறார்கள்.

கதாநாயகியாக பாலிவுட் நடிகைகள் யாராவது புதிதாக வருவார்களா, அல்லது ஏற்கெனவே விஜய்யுடன் ஜோடியாக நடித்த நடிகைகள் நடிப்பார்களா என்ற எதிர்பார்ப்பும் உள்ளது. வெகு சீக்கிரத்திலேயே இதற்கான அதிகாரப்பூர்வ அறிவிப்புகள் வெளியாகும் என ஹைதராபாத் தகவல்கள் தெரிவிக்கின்றன.

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...

• 
  லோகேஷ் கனகராஜ் இயக்கும் ‛கைதி -2' படத்தில் நடிக்கவில்லை! -அனுஷ்கா மறுப்பு
• 
  திரில்லர் கதையை படமாக்கும் பிரேம்குமார்! பிரதீப் ரங்கநாதன் நடிக்கிறார்!!
• 
  கமலின் 237வது படம் டிராப் ஆகிவிட்டதா?
• 
  சண்முக பாண்டியன் நடித்துள்ள ‛படை தலைவன்' படத்தின் இரண்டு நாள் வசூல் ...
• 
  ஸ்ரீ லீலாவுக்கு பிறந்தநாள் வாழ்த்து தெரிவித்து சுதா கொங்கரா வெளியிட்ட ...