கடல போட ஒரு பொண்ணு வேணும்: செல்போன் சிக்கல்களை சொல்லும் படம்

09 மார், 2022 - 12:29 IST

0 கருத்துகள் கருத்தைப் பதிவு செய்ய

எழுத்தின் அளவு:

ஆர்.ஜி.மீடியா சார்பில் டி.ராபின்சன் தயாரித்துள்ள படம் "கடல போட ஒரு பொண்ணு வேணும்". இந்த படத்தில் சின்னத்திரை டிவி புகழ் அசார் கதாநாயகனாக நடித்துள்ளார். கதாநாயகியாக மனிஷா ஜித் நடித்துள்ளார். மற்றும் செந்தில், மன்சூரலிகான், பிக்பாஸ் காஜல், லொள்ளுசபா மனோகர், சுவாமிநாதன், சாய் தீனா, ஜார்ஜ்,தெனாலி, சிவசங்கர் மாஸ்டர், பவுன் ராஜ் ஆகியோர் நடித்துள்ளனர். இனியன் ஜே.ஹாரிஸ் ஒளிப்பதிவு செய்துள்ளார், ஜூபின் இசை அமைத்துள்ளார்.

ஆனந்தராஜன் இயக்கி உள்ளார். படம் பற்றி அவர் கூறியதாவது: ஒரு இளைஞனின் காதல் தேடலாக இன்றைய இளைய தலைமுறையை கவரும் அழகான காதல் கதையாக, ஒரு இரவில் நடக்கும் கதையில், காமெடி நிறைந்த கமர்ஷியல் திரைப்படமாக உருவாகியுள்ளது. வளர்ந்து வரும் இன்றைய சூழலில் எல்லோரிடமும் செல்போன் உள்ளது. இது சில நேரங்களில் சிலருடைய வாழ்க்கைக்கு உந்துதலாக அமைகிறது. சிலருடைய வாழ்க்கைக்கு சிக்கலாகவும் அமைகிறது.

தன்னுடைய பரம்பரை சாபத்தை நீக்க போராடும் ஹீரோ அசார். தான் காதலிச்சிதான் கல்யாணம் பண்ணனும் என்கிற எண்ணத்தோடு பல பெண்களிடம் காதலை சொல்லியும் தோல்வியே அடைகிறார். இவர் கடைசியாக ஒரு பெண்ணை பாலோ செய்து தன்னுடைய காதலை தெரிவிக்கின்றார். அவர் பதிலை செல்போனில் தெரிவிப்பதாக கூற சில மணி நேரத்திற்கு பின் தன் வாழ்நாளில் மறக்க முடியாத சிக்கல்களை அந்த செல்போன் மூலம் சந்திக்கிறார்.

இதிலிருந்து அவர் எப்படி மீண்டார், காதலி பதில் என்ன ஆனது, இறுதியில் தனது குடும்பத்தின் சாபத்தை நீக்கினாரா? என்பதை டைம் லூப்ஸ் முறையில் காதல், காமெடி, சுவாரஸ்யம் என வித்தியாசமான கோணங்களில் சொல்கிறோம் என்றார்.

KadalaPodaOruPonnuvenum

Actorazhar

கருத்துகள் (0) கருத்தைப் பதிவு செய்ய

மலையாள நடிகை பாலியல் பலாத்காரம் : ...

நலன் குமாரசாமி இயக்கத்தில் வசந்த் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய