Dinamalar

ஷங்கரின் இளைய மகள் நடிகை அதிதிக்கு திருமணமா? - உண்மை என்ன

தமிழ் சினிமாவில் பிரம்மாண்டத்தை காட்டியவர் இயக்குனர் ஷங்கர். தற்போது ராம் சரணை வைத்து ஒரு படத்தை இயக்கி வருகிறார். ஷங்கருக்கு ஐஸ்வர்யா, அதிதி என்ற இரு மகள்களும், ஆர்ஜித் என்ற மகனும் உள்ளனர். மூத்த மகள் ஐஸ்வர்யாவுக்கு கடந்த ஜூன் 27ல் ரோஹித் தாமோதரன் என்பவர் உடன் திருமணம் நடந்தது. இதில் நெருங்கிய உறவினர்கள் மட்டும் பங்கேற்றனர்.

இந்நிலையில் ஷங்கர் தனது மனைவி உடன், தயாரிப்பாளர் கே.டி.குஞ்சுமோனை சந்தித்தார். அப்போது தனது மகளின் திருமண வரவேற்புக்கு வரும் படி அழைப்பு விடுத்து, சினிமாவில் தன்னை அறிமுகம் செய்தவர் என்பதால் அவரிடம் ஆசியும் பெற்றார். இதையடுத்து ஷங்கரின் இளைய மகளும், தற்போது கார்த்தி உடன் விருமன் படத்தில் நடித்து இருப்பவருமான அதிதிக்கு தான் திருமணம் நடக்க போகிறது. அதற்கான அழைப்பிதழை தான் ஷங்கர் வழங்கினார் என செய்திகள் பரவின.

ஆனால் உண்மையில் இந்த திருமண அழைப்பு அதிதிக்கானது அல்ல. மூத்த மகள் ஐஸ்வர்யாவுக்கு கடந்தாண்டு திருமணம் நடந்த சமயம் கொரோனா காலக்கட்டம் என்பதால் அப்போது திருமண வரவேற்பு நடத்தவில்லை. தற்போது திரையுலகினர், நண்பர்களை அழைத்து திருமண வரவேற்பை நடத்த திட்டமிட்டுள்ளார். அதற்கான திருமண வரவேற்பு அழைப்பிதழை தான் கே.டி.குஞ்சுமோனிடம் ஷங்கர் வழங்கினார். ஆனால் அதற்குள் அதிதிக்கு திருமணம் என செய்தி பரவி விட்டது என ஷங்கர் தரப்பில் விசாரித்தபோது இந்த தகவல் கிடைத்தது.

ஐஸ்வர்யா - ரோஹித்தின் திருமண வரவேற்பு வருகிற மே 1ல் சென்னை, திருவான்மியூரில் உள்ள ராமசந்திரா மண்டபத்தில் நடக்கிறது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்