போர்க்களத்தில் ஏஞ்சலினா : உக்ரைன் மக்களுக்கு ஆறுதல்

02 மே, 2022 - 12:28 IST

0 கருத்துகள் கருத்தைப் பதிவு செய்ய

எழுத்தின் அளவு:

உலக புகழ்பெற்ற ஹாலிவுட் நடிகை ஏஞ்சலினா ஜூலி. ஆக்ஷன் படங்கள் மூலம் புகழ்பெற்றவர். இவர் ஐக்கிய நாடுகள் சபையின் புலம்பெயர் மக்களின் சிறப்பு தூதராக இருக்கிறார். அதாவது போர் மற்றும் இயற்கை பேரழிவு காரணமாக புலம்பெயரும் மக்களின் நலன் குறித்து ஐ.நா.சபைக்கு தெரிவிக்கிறவர்.

கடந்த மாதம் போரால் பாதிக்கப்பட்ட ஏமன் நாட்டுக்கு சென்று அங்குள்ள மக்களுக்கு ஆறுதல் கூறி திரும்பி இருந்தார். இந்த நிலையில் போர் நடந்து கொண்டிருக்கும் சூழ்நிலையிலும் உக்ரைன் நாட்டுக்கு சென்றுள்ளார். அங்குள்ள மக்கள், குழந்தைகளிடம் பேசி உற்சாகப்படுத்தினார். அங்குள்ள ரயில் நிலையங்களில் பணிபுரியும் தன்னார்வலர்களிடம் பேசிய ஏஞ்சலினா, அவர்களிடம் போர் பாதித்த மக்களின் நிலைமை குறித்து கேட்டறிந்தார். அங்குள்ள சிறுவர், சிறுமியர்களுடன் பேசி புகைப்படம் எடுத்து அவற்றை ஏஞ்சலினா சமூக வலைத்தளத்தில் பகிர்ந்துள்ளார்.

தனது பயணம் குறித்து ஏஞ்சலினா கூறியிருப்பதாவது: உக்ரைன் மக்களின் அதிர்ச்சியை என்னால் புரிந்து கொள்ள முடிகிறது. குழந்தைகள் சந்திக்கும் வலியை நான் உணர்கிறேன். யாராவது அவர்களை தேற்றினால் அது அவர்களுக்கு மேம்பட்ட உணர்வை தரும். என்று கூறியிருக்கிறார்.

எதிர்பாராத விதமாக ஏஞ்சலினாவை சந்தித்த மக்கள் அவர் உண்மையிலேயே ஏஞ்சலினா தானா? என்று அவரிடமே கேட்டு அவரை ஆச்சர்யப்பட வைத்துள்ளனர். அதற்கு அவர்களிடம் நான் நடிகையாக வரவில்லை. உங்களின் தூதராக வந்திருக்கிறேன். என்றார்.

Angelinajolie

கருத்துகள் (0) கருத்தைப் பதிவு செய்ய

எம்.ஆர்.ராதா - எம்.ஜி.ஆர் மோதல் வெப் ...

படுதோல்வியை நோக்கி சிரஞ்சீவியின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய