Dinamalar

பிரமிக்க வைக்கும் 'பிரம்மாஸ்திரம்' டிரைலர்

எஸ்எஸ் ராஜமவுலி வழங்க அயன் முகர்ஜி இயக்கத்தில், பிரிதம் இசையமைப்பில், ரன்பீர் கபூர், ஆலியா பட், அமிதாப்பச்சன், நாகார்ஜுனா மற்றும் பலர் நடிக்கும் படம் 'பிரம்மாஸ்திரம்'. மூன்று பாகத்தில் தயாராக உள்ள இப்படத்தின் முதல் பாகம் 'பிரம்மாஸ்திரம் - ஷிவா' டிரைலர் இன்று யு டியுபில் வெளியிடப்பட்டது. ஹிந்தியில் தயாராகி தமிழ், தெலுங்கு, கன்னடம், மலையாளம் ஆகிய மொழிகளில் இப்படம் வெளியாக உள்ளது.

நீர், காற்று, நெருப்பு ஆகியவை பண்டைய காலத்திலிருந்தே இந்த சக்திகள் சில அஸ்திரங்களுக்குள் நிறைந்திருக்கிறது. இது போல இருக்கும் அஸ்திரங்களுக்கெல்லாம் அதிபதி பிரம்மாஸ்திரம். அந்த மகா பிரம்மாஸ்திரத்திற்கான அதிபதியே தான் தான்னு தெரியாத ஷிவா என்ற இளைஞனைப் பற்றிய கதைதான் இந்த முதல் பாகம்.

நெருப்பு சக்தி அடங்கிய ஷிவா கதாபாத்திரத்தில் ரன்பீர் கபூர் நடித்துள்ளார். அமிதாப்பச்சன், நாகார்ஜுனா, மவுனி ராய் ஆகியோர் முக்கிய கதாபாத்திரங்களில் நடித்திருக்கிறார்கள். ஆலியா பட், ரன்பீர் கபூர் ஜோடியாக நடித்துள்ளார். டிரைலரில் இடம் பெற்றுள்ள கிராபிக்ஸ் மற்றும் விஎப்எக்ஸ் காட்சிகள் வியக்க வைக்கின்றன.

'பாகுபலி, ஆர்ஆர்ஆர், கேஜிஎப் 2' ஆகிய படங்கள் பாலிவுட்டில் பெரிய வெற்றியைப் பெற்றன. அந்தப் படங்களில் இருந்த பிரம்மாண்டத்தை இந்த பிரம்மாஸ்திரம் டிரைலரில் காண முடிகிறது.

இப்படி ஒரு படத்திற்காகத்தான் பாலிவுட் ஏங்கிக் கொண்டிருக்கிறது என தாரளமாகச் சொல்லலாம். இந்த வருடம் செப்டம்பர் 9ம் தேதி இந்தப்ப டம் வெளி வருகிறது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்