Dinamalar

ஹாலிவுட் நடிகையை சந்தித்த கமல்ஹாசன்

கமல் நடித்த ‛இந்தியன்' படம் பிரமாண்ட வெற்றி பெற்றது. இதை தொடர்ந்து இதன் இரண்டாம் பாகம் தொடங்கியது. கமலுடன் காஜல் அகர்வால் நடிக்க ஷங்கர் இயக்கினார், லைக்கா நிறுவனம் தயாரித்தது. 300 கோடி ரூபாய் பட்ஜெட்டுடன் தொடங்கிய இதன் படப்பிடிப்புகள் பல தடைகளை சந்தித்தது. முதலில் கமலின் இந்தியன் தாத்தா வேடம் முன்புபோல அமையவில்லை, அடுத்து கொரோனா பிரச்சினை, அடுத்து படப்பிடிப்பில் நடந்த விபத்து, அடுத்து தயாரிப்பு நிறுவனம் - ஷங்கர் மோதல் இப்படியாக தள்ளிப்போன இந்த படத்தின் பணிகள் இப்போது மீண்டும் தொடங்க உள்ளது.

இந்த நிலையில் தற்போது அமெரிக்க சுற்றுப் பயணத்தில் இருக்கும் கமல் அங்கு தனது இந்தியன் 2 பணிகளை தொடங்கி உள்ளார். கமலுக்கு இந்தியன் தாத்தா மேக்கப்பும், அவ்வை சண்முகியில் பெண் மேக்கப்பும் போட்டவரான ஹாலிவுட் மேக்அப் நிபுணர் மைக்கேல் வெஸ்ட்மோரை சந்தித்தார். இந்த சந்திப்பின் போது மைக்கேலின் மகளும் ஹாலிவுட் நடிகையுமான மெக்கென்சி உடன் இருந்தார்.

சந்திப்பு படத்தை வெளியிட்டுள்ள மெக்கென்சி. இந்த வாரத்தின் மிக சிறந்த தருணம் கமலை சந்தித்தது என்று குறிப்பிட்டுள்ளார். இந்த சந்திப்பில் கமல் மைக்கேலுடன் இந்தியன் 2 மேக்அப் குறித்து ஆலோசனை நடத்தி உள்ளார். அதோடு மெக்கன்சியும் இந்தியன் 2வில் நடிக்கலாம் என்ற தகவலும் வெளியாகி உள்ளது. இந்தியன் 2 படப்பிடிப்புகள் இன்று முதல் அமெரிக்காவில் தொடங்குவது குறிப்பிடத்தக்கது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்