Dinamalar

நீண்ட இடைவெளிக்குப் பிறகு ரஜினிகாந்த் படம் சென்னையில் ஆரம்பம்

தமிழ் சினிமாவின் வசூல் நாயகன் ரஜினிகாந்த் என்ற பெயர் இன்னும் நிலைத்துக் கொண்டிருக்கிறது. ஆனால் அவர் நடித்து கடைசியாக வெளிவந்த 'தர்பார், அண்ணாத்த' ஆகிய படங்கள் எதிர்பார்த்த வசூலைக் கொடுக்காமல், மிகச் சுமாரான வசூலைத்தான் கொடுத்தன. இருப்பினும் ரஜினியை வைத்து படம் இயக்க வேண்டும் என இன்றைய பல இயக்குனர்கள் ஆசையுடன் காத்திருக்கிறார்கள்.

ரஜினிகாந்த்தின் அடுத்த படமாக நெல்சன் திலீப் குமார் இயக்கும் 'ஜெயிலர்' படம் சில மாதங்களுக்கு முன்பு அறிவிக்கப்பட்டது. ஆனாலும், திரைக்கதை முழு வடிவம் பெற சில மாதங்கள் எடுத்துக் கொள்ளப்பட்டது. இந்நிலையில் இன்று படப்பிடிப்பு ஆரம்பமாவதாக அதிகாரப்பூர்வமாக அறிவிக்கப்பட்டுள்ளது.

'காலா, பேட்ட, தர்பார், அண்ணாத்த' ஆகிய படங்களின் முதல் நாள் படப்பிடிப்பு சென்னையில் நடைபெறாமல் ஐதராபாத், மும்பை, டார்ஜிலிங் ஆகிய இடங்களில் நடைபெற்றது. நீண்ட இடைவெளிக்குப் பிறகு ரஜினி நடிக்கும் ஒரு படத்தின் படப்பிடிப்பு சென்னையில் ஆரம்பமாகி உள்ளது. இப்படத்திற்காக சில பிரம்மாண்ட அரங்குகள் அமைக்கப்பட்டு அதில் முதல் கட்டப் படப்பிடிப்பு நடைபெற உள்ளது. இப்படத்தில் நடிக்கும் மற்ற நடிகர்கள், நடிகைகளின் அறிவிப்பு விரைவில் வெளியாகலாம்.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?