Dinamalar

சைக்காலஜிக்கல் த்ரில்லர் படத்தில் அம்மு, கோமல்

துப்பாக்கிமுனை, ராட்சன் படங்களில் குழந்தை நட்சத்திரமாக நடித்த அம்மு அபிராமி, அசுரன் படத்தில் தனுஷ் ஜோடியாக நடித்து புகழ்பெற்றார். அதன் பிறகு பல படங்களில் நாயகியாக நடித்து வரும் அபிராமி தற்போது ஒப்பந்தமாகி உள்ள படம் பெண்டுலம். இந்த படத்தில் அவர் சட்டப்படி குற்றம், நாகராஜசோழன் எம்ஏ எம்எல்ஏ, வைகை எக்ஸ்பிரஸ் உள்ளிட்ட பல படங்களில் நடித்த கோமல் சர்மாவுடன் இணைந்து நடிக்கிறார்.

திரவியம் பாலா தயாரிப்பில், அறிமுக இயக்குநர் பி.சதீஸ் குமரன் இயக்குகிறார். சைக்கலாஜிகல், பேண்டஸி திரில்லர் படமாக இது உருவாகிறது. ஶ்ரீபதி, ஶ்ரீகுமார், விஜித், ராம், பிரேம் குமார், கஜராஜ், சாம்ஸ் உள்பட பலர் நடிக்கிறார்கள். சைமன் கிங் இசை அமைக்கிறார், ஆனந்த் ஒளிப்பதிவு செய்கிறார்.

படம் பற்றி இயக்குனர் பி.சதீஸ்குமரன் கூறியதாவது: நான் 20 ஆண்டுகளாக ஒளிப்பதிவாளராக இருக்கிறேன். விளம்பர படங்கள், குறும்படங்களுக்கு ஒளிப்பதிவு செய்திருக்கிறேன். இயக்குநர் ஷங்கரின் ஐ படத்தில் மேக்கிங் கேமராமேனாக பணியாற்றினேன். இந்த படத்தின் மூலம் இயக்குனராகி இருக்கிறேன்.

தமிழ் சினிமாவில் சைக்கலாஜிகல் படங்கள் அரிது. அந்த வகையில் தமிழ் சினிமாவில் இதுவரையிலும் சொல்லப்படாத புதுமையான திரைக்கதையில், சைக்கலாஜிகல் பேண்டஸி திரில்லர் திரைப்படமாக உருவாகிறது. இப்படத்தில் முதல்முறையாக 8 கதாப்பாத்திரங்கள் முதன்மை பாத்திரங்களில் நடிக்கும் புதுமையான திரைக்கதையில் சொல்லப்படும் ஒரு விறுவிறுப்பான திரில்லராக இப்படம் உருவாகிறது. இதுவரை படப்பிடிப்பு நடத்தப்படாத இடங்களில் இப்படத்தின் படப்பிடிப்பை நடத்த திட்டமிட்டிருக்கிறோம். என்றார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்