Dinamalar

பொன்னியின் செல்வன் பார்த்த இளையராஜா

கடந்த 20 வருடங்களாக ரசிகர்களின் மனதில் கனவு படமாகவே தங்கியிருந்த பொன்னியின் செல்வன் நாவலுக்கு தற்போது திரை வடிவில் உயிர் கொடுத்துள்ளார் இயக்குனர் மணிரத்னம். கடந்தவாரம் வெளியான இந்த படத்தின் முதல் பாகம் ரசிகர்களிடம் மிகப்பெரிய வரவேற்பை பெற்றுள்ளது. குறிப்பாக திரையுலக பிரபலங்கள் பலரும் இந்த நாவலின் தீவிர வாசகர்கள் என்பதால் அவர்களும் பொன்னியின் செல்வன் படத்தை பார்த்துவிட்டு தங்களது வியப்பையும் மகிழ்ச்சியையும் வெளிப்படுத்தி வருகின்றனர்.

அந்த வகையில் இசைஞானி இளையராஜா தற்போது பொன்னியின் செல்வன் படத்தை பார்த்து ரசித்துள்ளார். இதற்கான சிறப்பு காட்சியை ஏற்பாடு செய்த சுகாசினி மணிரத்னம் இந்த தகவலை வெளியிட்டுள்ளதுடன், “மேஸ்ட்ரோ இளையராஜா எங்களது படத்தை பார்த்தது மிகப்பெரிய கவுரவம்” என்று தனது மகிழ்ச்சியை வெளிப்படுத்தியுள்ளார். மணிரத்னம் இயக்குனராக அறிமுகமானதிலிருந்து 1993-ல் வெளியான தளபதி படம் வரை தொடர்ந்து இளையராஜாவுடன் மட்டுமே இணைந்து பணியாற்றி வந்தார். இவர்கள் கூட்டணியில் வெளியான படங்கள் காலத்தால் மறக்க முடியாத மிகச்சிறந்த பாடல்களை கொடுத்துள்ளன.

தளபதி படத்திற்குப்பின் இளையராஜாவிடம் இருந்து பிரிந்த மணிரத்னம் இப்போதுவரை ஏ.ஆர்.ரகுமானுடன் மட்டுமே பயணித்து வருகிறார். பொன்னியின் செல்வன் படம் உருவாக ஆரம்பித்த சமயத்தில் கூட இந்த படத்திற்கு இளையராஜா இசையமைத்தால் நன்றாக இருக்கும் என ரசிகர்கள் பலரும் தங்களது ஆர்வத்தை வெளிப்படுத்தினார்கள் என்பதும் குறிப்பிடத்தக்கது.

• 
  3 மணி நேரம் ஓடப் போகும் 'வார் 2'
• 
  வரவேற்பைப் பெறாத 'பரியேறும் பெருமாள்' ஹிந்தி ரீமேக்
• 
  விளம்பர வீடியோவில் உலக சாதனை படைத்த தீபிகா படுகோனே
• 
  500 கோடி வசூலைக் கடந்த 'சாயாரா'
• 
  மலையாள இயக்குனர் படத்தில் நடிக்கப்போகும் சல்மான்கான்

• 
  வாழ்க்கை என்பது ஒரு வட்டம் ; ராஷி கண்ணாவின் புதிய மகிழ்ச்சி
• 
  நீங்க எனக்கு இன்ஸ்பிரேசன் : சிம்ரனை பாராட்டிய திரிஷா
• 
  இதைவிட பெருமை என்ன இருக்கு : முதல்வர் சந்திப்பு குறித்து நடிகை ...
• 
  தனுஷின் சகோதரிகளை இன்ஸ்டாகிராமில் பின்தொடரும் மிருணாள் தாக்கூர்
• 
  'புஷ்பா 2' தியேட்டர் நெரிசல் விவகாரம்: மனித உரிமைகள் ஆணையம் நோட்டீஸ்