Dinamalar

சமூக வலைத்தளங்களில் பரவும் 'பொன்னியின் செல்வன்' 'எச்டி' பைரசி

மணிரத்னம் இயக்கத்தில் கடந்த மாதம் வெளிவந்த 'பொன்னியின் செல்வன்' படம் தியேட்டர்களில் இன்னமும் ஓடிக் கொண்டிருக்கிறது. இப்போது படத்தை ஓடிடி தளத்திலும் வெளியிட்டுள்ளார்கள். தற்போது அமேசான் ஓடிடி தளத்தில் ரூ 199 செலுத்தி படத்தைப் பார்க்கும் வசதியை ஏற்படுத்தியுள்ளார்கள். இரண்டு வாரங்களுக்குப் பிறகு கட்டணம் செலுத்தாமல் படத்தை ஓடிடி தளத்தில் பார்க்கலாம் என எதிர்பார்க்கப்படுகிறது.

இதுவரை படத்தின் பைரசி தரமில்லாத வீடியோவாக வந்து கொண்டிருந்தது. ஓடிடி தளத்தில் பணம் செலுத்தி பார்க்கும் வசதி வந்ததும் 'எச்டி' தரத்துடன் பைரசி வெளியாகிவிட்டது. அதிலிருந்து தங்களுக்குப் பிடித்தமான பல வீடியோக்களை துண்டு துண்டாகப் பலரும் சமூக வலைத்தளங்களில் பகிர்ந்து வருகிறார்கள். அவற்றை படத் தயாரிப்பு நிறுவனங்களோ, அல்லது அமேசான் பிரைம் நிறுவனமோ தடுத்து நிறுத்தாமல் இருப்பது படத்தை தியேட்டர்களில் ஓட்டிக் கொண்டிருக்கும் தியேட்டர்காரர்களுக்கு அதிர்ச்சியை ஏற்படுத்தியுள்ளது.

தீபாவளி வெளியீடுகளால் குறைக்கப்பட்ட 'பொன்னியின் செல்வன்' தியேட்டர்கள் இன்று முதல் மேலும் அதிகரித்துள்ள நிலையில் இப்படி பைரசி வீடியோக்கள் வருவது தியேட்டர் வசூலை பாதிக்கும் என்பது உண்மை.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி