Dinamalar

ஜுன் 16, 2023ல் 'ஆதி புருஷ்' ரிலீஸ்

ஓம் ராவத் இயக்கத்தில், பிரபாஸ், சைப் அலிகான், கிர்த்தி சனோன் மற்றும் பலர் நடிப்பில் மோஷன் கேப்சரிங் படமாக பிரம்மாண்டமாக உருவாகி வரும் படம் 'ஆதி புருஷ்'. இப்படத்தின் டீசர் சமீபத்தில் வெளியானது. ஆனால், அதில் உள்ள விஎப்எக்ஸ் காட்சிகளின் தரம் மிகவும் மோசமாக இருந்ததென விமர்சனங்கள் எழுந்தன. மேலும், சில சர்ச்சைகளையும் அந்த டீசர் உருவாக்கியது.

ஜனவரி 12, 2023 படம் வெளியாகும் என்று அறிவிக்கப்பட்டிருந்த நிலையில் கடந்த சில நாட்களாகவே இப்படத்தின் வெளியீடு தள்ளிப் போகும் என்று செய்திகள் வந்து கொண்டிருந்தது. அதை உறுதிப்படுத்தும் விதமாக தற்போது அதிகாரப்பூர்வ அறிவிப்பை வெளியிட்டுள்ளனர். அதன்படி, படம் அடுத்த ஆண்டு ஜுன் மாதம் 16ம் தேதி வெளியாகும் என அறிவித்துள்ளார்கள்.

“ஆதி புருஷ்' ஒரு படம் மட்டுமல்ல. பிரபு ஸ்ரீராம் மீதான நமது பக்தியை சித்தரிப்பதும், நமது வரலாறு, கலாச்சாரம் ஆகியவற்றின் அர்ப்பணிப்பும் சார்ந்தது. ரசிகர்களுக்கு முழுமையான விஷுவல் அனுபவத்தைக் கொடுக்க, அவர்களுக்கு இன்னும் அதிகமான நேரத்தைக் கொடுக்க வேண்டி உள்ளது. ஆதி புருஷ் ஜுன் 16, 2023ம் தேதியன்று வெளியாகும். இந்தியா பெருமைப்படும் விதமாக ஒரு படத்தை உருவாக்க வேண்டும் என்பதே எங்களது அர்ப்பணிப்பாக உள்ளது. உங்கள் ஆதரவு, அன்பு, ஆசீர்வாதம் ஆகியவைதான் எங்களை தொடர வைக்கிறது,” என படத்தின் இயக்குனர் ஓம் ராவத் அதிகாரப்பூர்வமாக அறிவித்துள்ளார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்