Dinamalar

தமிழக ஏரியாக்கள் - அதிக விலை விற்பனையில் 'வாரிசு'

வம்சி பைடிப்பள்ளி இயக்கத்தில் விஜய், ராஷ்மிகா மந்தனா மற்றும் பலர் நடிக்கும் 'வாரிசு' படம் பொங்கலுக்கு வெளியாக உள்ளது. இப்படத்தை விஜய் நடித்த 'மாஸ்டர்' படத்தைத் தயாரித்த லலித்குமார் தமிழக வினியோக உரிமை வாங்கி வெளியிடுகிறார். மிகப் பெரும் விலைக்கு அவர் படத்தை வாங்கியுள்ளதாகத் தகவல்கள் வெளியாகி உள்ளது. ஒட்டு மொத்த தமிழக உரிமையை வாங்கியுள்ளவர் அதை ஏரியா வாரியாக பிரித்து விற்பனை செய்து வருகிறார்.

முக்கிய ஏரியாக்களான சென்னை, செங்கல்பட்டு, வட ஆற்காடு, தென் ஆற்காடு, கோவை ஆகிய வினியோக ஏரியாக்களை உதயநிதியின் ரெட் ஜெயன்ட் மூவிஸ் நிறுவனம் வாங்கியுள்ளதாகச் சொல்கிறார்கள். இந்த ஏரியாக்கள் எவ்வளவுக்கு விற்கப்பட்டுள்ளது என்ற தகவல் இன்னும் கசியவில்லை.

திருச்சி, திருநெல்வேலி ஏரியாக்களை எம்ஜி அடிப்படையில் சுமார் 11 கோடிக்கு விற்றுள்ளார்களாம். மதுரை ஏரியா உரிமை 8 கோடி, சேலம் ஏரியா உரிமை 6 கோடி என பேசி வருகிறார்களாம். இவ்வளவு விலை கொடுத்து வாங்க அந்த ஏரியா வினியோகஸ்தர்கள் தயங்கி வருவதாகத் தகவல்.

விஜய் நடித்து இதற்கு முன் வெளிவந்த 'மாஸ்டர்' படத்தின் விலையை விட 'வாரிசு' படத்தின் உரிமை அதிகமாக சொல்லப்படுகிறதாம். அதனால் சில ஏரியாக்களில் இன்னும் பேச்சும் வார்த்தை தொடர்ந்து வருகிறது. யாரும் வாங்க முன்வரவில்லை என்றால் தமிழக உரிமையை வாங்கியுள்ள லலித்குமாரே சொந்தமாக வெளியிடும் முடிவில் இருக்கிறாராம்.

• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு

• 
  சிரிப்பிற்கு தனி அடையாளம் தந்த நடிகர் மதன் பாப் காலமானார்
• 
  அதிரடி மாஸ் காட்டும் ரஜினியின் ‛கூலி' பட டிரைலர்
• 
  சூர்யாவின் 46வது படத்தில் இணைந்த பவானிஸ்ரீ
• 
  கிளைமேக்ஸ் மாற்றப்பட்டு ரீ-ரிலீஸ் ஆன தனுஷ் படம் : இயக்குனர் கோபம்
• 
  துள்ளுவதோ இளமை அபினய்க்கு என்னாச்சு : லிவர் ஆபரேசனுக்காக ...