Dinamalar

மீண்டும் ஒரு ‛லக்கி மேன்' : ஹீரோவாக யோகி பாபு

“நான் காமெடியன்தான். என் மூஞ்சி காமெடிக்குத்தான் லாயக்கு” என்று யோகி பாபு அடிக்கடி சொல்லி வந்தாலும், அவரும் அடுத்தடுத்து கதையின் நாயகனாக நடித்துக் கொண்டுதான் இருக்கிறார். சமீபத்தில் அவர் கதை நாயகனாக நடித்த பொம்மை நாயகி வெளியானது. இந்த நிலையில் அடுத்து லக்கி மேன் என்ற படத்தில் நாயகனாக நடிக்கிறார்.

திங்க் ஸ்டுடியோஸ் தயாரிப்பில் பாலாஜி வேணுகோபால் இந்த படத்தை இயக்குகிறார். சந்தீப் கே.விஜய் ஒளிப்பதிவு செய்கிறார். ஷான் ரோல்டன் இசை அமைக்கிறார். ரேச்சல் ரெபேக்கா, அப்துல் லீ, ஆர்.எஸ். சிவாஜி, அமித் பார்கவ், சாத்விக் மற்றும் பலர் நடிக்கிறார்கள்.

“லக்கி மேன் திரைப்படம் உண்மையான அதிர்ஷ்டம் என்றால் என்ன என்பதைக் கண்டறியும் ஒரு மனிதனின் அதிர்ஷ்டத்தைப் பற்றி பேசுகிறது. அதிர்ஷ்டம் என்றால் என்ன, எந்த அளவிற்கு அது ஒருவனின் வாழ்க்கையில் வந்து சேர்கிறது என்பதையும் படத்தில் காட்டுகிறோம். சில சமயங்களில் நாம் விரும்புவது கிடைக்காமல் போவதும் ஒரு அற்புதமான அதிர்ஷ்டம். எனவே, யோகிபாபு உண்மையில் ஒரு லக்கி மேன்தானா என்பதை சொல்லும் படம்” என்கிறார் இயக்குனர் பாலாஜி.

கார்த்திக், சங்கவி, கவுண்டமணி, செந்தில், தியாகு, ராதாரவி, சில்க் ஸ்மிதா உள்ளிட்டோர் நடிப்பில் கடந்த 1995ல் இதே தலைப்பில் ஒரு காமெடி படம் வெளியாகி ரசிகர்களின் வரவேற்பை பெற்றது குறிப்பிடத்தக்கது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா