Dinamalar

மே 12ல் 'கன்டென்ட்' படங்களின் போட்டி?

'கன்டென்ட்', சினிமாவில் தற்போது அதிகமாகப் பயன்படுத்தப்படும் வார்த்தை. 'கன்டென்ட் இல்லைங்க, கன்டென்ட் சரியில்லங்க, கன்டென்ட்டே இல்லைங்க' என்ற கமெண்ட்டுகளுடன்தான் தற்போது வெளிவரும் படங்கள் இருக்கின்றன. ஆனால், அடுத்த வாரம் மே 12ம் தேதி வெளிவர இருக்கும் படங்கள் 'கன்டெட்' கொண்ட படங்களாக இருக்கும் என்ற எதிர்பார்ப்பை அந்த படங்கள் ஏற்படுத்தியுள்ளன.

வெங்கட் பிரபு இயக்கத்தில் நாகசைதன்யா, கிர்த்தி ஷெட்டி, அரவிந்த்சாமி, சரத்குமார் மற்றும் பலர் நடிக்கும் 'கஸ்டடி' படம் வெளியாக உள்ளது. வில்லனை சாகாமல் காப்பாற்றப் போராடும் நாயகனின் கதை கொண்ட படம் இது.

விக்ரம் சுகுமாரன் இயக்கத்தில் சாந்தனு, கயல் ஆனந்தி மற்றும் பலர் நடிக்கும் 'இராவண கோட்டம்' படத்தில், மக்களை ஏமாற்றிய கருவேல அரசியலை மையப்படுத்தி, காதலையும் சேர்த்து கொடுத்திருக்கிறார்கள்.

நெல்சன் வெங்கடேசன் இயக்கத்தில், ஐஸ்வர்யா ராஜேஷ், ஜித்தன் ரமேஷ் மற்றும் பலர் நடித்துள்ள 'பர்ஹானா' படம், தனது குழந்தைகளுக்காக வேலைக்குச் செல்லும் ஒரு முஸ்லிம் குடும்பத்துப் பெண்ணின் வாழ்க்கையைச் சொல்லும் படமாக வர உள்ளது.

குறட்டை விடும் குறை கொண்ட நாயகனின் பிரச்சினையை நகைச்சுவை கலந்து சொல்லும் படமாக மணிகண்டன், மீதா ரகுநாத் மற்றும் பலர் நடிப்பில் விநாயக் சந்திரசேகரன் இயக்கியுள்ள 'குட் நைட்' படம் மே 12 அன்று வெளியாக உள்ளது.

இந்தப் படங்களில் எந்தப் படத்தில் உண்மையாகவே 'கன்டென்ட்' சிறப்பாக உள்ளது என்பதைப் பார்க்க ஒரு வாரம் காத்திருக்க வேண்டும். பட்டியலில் மேலும் சில படங்கள் சேர்ந்தாலும் சேரலாம்.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  2025ல் காமெடிக்கு பஞ்சம்: தியேட்டரில் சிரிப்பு சத்தம் கேட்கல
• 
  அடுத்த படம் குறித்து ஏ.ஆர்.முருகதாஸ் வெளியிட்ட தகவல்
• 
  'டாக்சிக்' படத்தில் கங்காவாக நயன்தாரா!
• 
  'தி பெட்' படம், ஹீரோ ஸ்ரீகாந்த், ஹீரோயின் சிருஷ்டி புறக்கணிப்பு
• 
  ரஜினியின் அடுத்த பட இயக்குனர்?: நீடிக்கும் குழப்பம்