Dinamalar

மீண்டும் அரசியலுக்கு திரும்பும் சுமன்

70களின் இறுதியில் தமிழ் மற்றும் தெலுங்கில் கதாநாயகனாக, வில்லனாக நடித்து புகழ் பெற்றவர் நடிகர் சுமன். குறிப்பாக தீ என்கிற படத்தில் ரஜினிகாந்தின் தம்பியாக நடித்து பிரபலமான இவர், ஒரு கட்டத்தில் சினிமாவை விட்டு ஒதுங்கி பின்னர் மீண்டும் அதே ரஜினிகாந்த் நடித்த சிவாஜி திரைப்படத்தில் வில்லனாக நடித்ததன் மூலம் வெற்றிகரமாக தனது இரண்டாவது இன்னிங்ஸை துவங்கினார். அதைத் தொடர்ந்து தற்போது வில்லனாகவும் குணச்சித்திர கதாபாத்திரங்களிலும் தொடர்ந்து நடித்து வருகிறார்.

தனக்கு பட வாய்ப்புகள் குறைந்த சமயத்தில் 1999ல் தெலுகு தேசம் கட்சி மூலமாக அரசியலில் நுழைந்தார். அதன் பிறகு அங்கிருந்து விலகி 2005ல் பாஜகவில் இணைந்தார். தனக்கான பதவி மரியாதை எதுவும் கிடைக்கவில்லை என அங்கிருந்தும் விலகி, அதன்பின் அரசியலை விட்டு பல வருடங்களாக ஒதுங்கி இருந்து வந்தார் சுமன்.

அடுத்த வருடம் ஆந்திரா மற்றும் தெலுங்கானாவில் தேர்தல் நடைபெற உள்ளது. இந்த நிலையில் தெலுங்கானாவில் உள்ள பாரத் ராஷ்டிர சமிதி என்கிற கட்சிக்கு தனது ஆதரவை தரப்போவதாக சமீபத்திய பேட்டி ஒன்றில் தற்போது வெளிப்படையாகவே கூறியுள்ளார் நடிகர் சுமன். மீண்டும் அவர் தெலுங்கு தேசம் கட்சியிலேயே தன்னை இணைத்துக் கொள்வார் என எதிர்பார்க்கப்பட்ட நிலையில் அதற்கு மாறாக அவர் கூறியுள்ளது ஆந்திர அரசியலில் ஆச்சர்யத்தை ஏற்படுத்தியுள்ளது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!