Dinamalar

விரைவில் 'சூர்யவம்சம் 2' : சரத்குமார் அறிவிப்பு

விக்ரமன் இயக்கத்தில், எஸ்ஏ ராஜ்குமார் இசையமைப்பில், சரத்குமார், தேவயானி, ராதிகா, பிரியா ராமன், மணிவண்ணன், ஆனந்தராஜ் மற்றும் பலர் நடித்து வெளிவந்து பெரும் வெற்றியைப் பெற்ற படம் 'சூர்யவம்சம்'. நேற்றுடன் அப்படம் வெளிவந்து 26 ஆண்டுகள் நிறைவடைந்தது. இன்றைக்கும் அந்தப் படத்தைப் பற்றி ரசிகர்கள் அடிக்கடி சமூக வலைத்தளங்களில் குறிப்பிட்டு வருகிறார்கள். அந்தப் படத்தை வைத்து பல மீம்ஸ்கள் இன்றைக்கும் வந்து கொண்டிருக்கின்றன. சிலர் படத்தைப் பற்றி இப்போது கிண்டலடித்தாலும் மக்கள் மனதில் இடம் பிடித்த அருமையான சென்டிமென்ட் படம் அது.

நேற்று அப்படம் 26 ஆண்டுகளை நிறைவடைந்ததை முன்னிட்டு படத்தின் கதாநாயகன் சரத்குமார், “கலைத்துறை பயணத்தில், காலங்கள் கடந்தும், தொழில்நுட்ப வளர்ச்சி அடைந்தும், இன்றளவும் அனைத்து தரப்பு ரசிகர்களின் சிந்தையிலும் நீங்காமல் நிறைந்திருந்து கொண்டாடக்கூடிய சிறப்புவாய்ந்த குடும்பத் திரைப்படம் சூர்யவம்சம் வெளியாகி இன்றுடன்(நேற்று ஜூன் 27) 26 ஆண்டுகள். கதாபாத்திரங்கள், வசனங்கள், பாடல்கள் என ஒட்டுமொத்த திரைப்படத்தையும் ரசித்து, மாபெரும் வெற்றியளித்து, ஆதரவளித்த அன்பர்களுக்கு நன்றி!

விரைவில் சூர்யவம்சம் - 2!...,” எனப் பதிவிட்டுள்ளார்.

சமீபத்தில் அவர் பத்திரிகையாளர்களை சந்தித்த போது கூட 'சூர்யவம்சம் 2' விரைவில் உருவாகப் போவதாகக் குறிப்பிட்டிருந்தார். படத்தை யார் இயக்கப் போவது, சரத்குமாருடன் யார், யாரெல்லாம் நடிக்கப் போகிறார்கள் என்பது பற்றிய அறிவிப்புகள் விரைவில் வரலாம்.

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...

• 
  திருமணமா...? வதந்திகளை பரப்பாதீர்கள் : அனிருத்
• 
  சூர்யாவின் 'டிராப் இயக்குனர்கள்' பட்டியலில் இணைகிறாரா வெற்றிமாறன்?
• 
  ஓடிடியில் அதிக தொகைக்கு விற்பனையான அனுஷ்காவின் காட்டி
• 
  இயக்குனர் அட்லிக்கு கவுரவ டாக்டர் பட்டம்
• 
  பறந்து போ படத்தில் யுவன் இல்லாதது ஏன்? ராம் விளக்கம்