Dinamalar

மம்முட்டி - ஜோதிகாவின் 'காதல்' ரிலீஸ் எப்போது?

மம்முட்டி நடிப்பில் சமீபத்தில் வெளியான கண்ணூர் ஸ்குவாட் திரைப்படம் வெற்றியை பெற்று கிட்டத்தட்ட 70 கோடி வசூலை தாண்டி சென்று கொண்டிருக்கிறது. இந்த படத்தில் மம்முட்டி அதிரடி போலீஸ் அதிகாரி கதாபாத்திரத்தில் நடித்திருந்தார். இதைத் தொடர்ந்து அவரது நடிப்பில் அடுத்ததாக உருவாக இருக்கும் படம் 'காதல் - தி கோர்'. இந்த படத்தின் டைட்டில் காதல் என்று இருந்தாலும் இதில் மம்முட்டி ஒரு அரசியல்வாதி கதாபாத்திரத்தில் நடிக்கிறார் என்று சொல்லப்படுகிறது.

இந்த படத்தில் மம்முட்டிக்கு ஜோடியாக கதாநாயகியாக நடித்துள்ளார் ஜோதிகா. மம்முட்டியுடன் இவர் இணைந்து நடிப்பது இதுவே முதன்முறை. அது மட்டுமல்ல பல வருட இடைவெளிக்கு பிறகு மீண்டும் மலையாளத்தில் ஜோதிகா நடித்துள்ளார். ‛தி கிரேட் இந்தியன் கிச்சன்' படத்தை இயக்கிய ஜியோ பேபி தான் இந்த படத்தை இயக்கியுள்ளார்.

ஆறு மாதங்களுக்கு முன்பே இந்த படத்தின் படப்பிடிப்பு முடிவடைந்து விட்டாலும் ரிலீஸ் தேதி குறித்து விவரம் அறிவிக்கப்படாமலேயே இருந்தது. இந்நிலையில் வரும் நவம்பர் மாத இறுதியில் அல்லது டிசம்பர் முதல் வாரத்தில் இந்த படத்தை வெளியிட திட்டமிட்டுள்ளார்கள் என்கிற தகவல் வெளியாகி உள்ளது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!