சித்தார்த்தின் மிகச்சிறந்த படம் இதுதான் : சித்தாவுக்கு நயன்தாரா பாராட்டு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

02 ஜன, 2024 - 12:28 IST

எழுத்தின் அளவு:

நடிகர் சித்தார்த் நடிப்பில் அருண்குமார் இயக்கத்தில் கடந்த சில மாதங்களுக்கு முன் சித்தா என்கிற திரைப்படம் வெளியானது. இந்த படத்தின் கதைக்கருவும் அதை வித்தியாசமாக படமாக்கிய விதமும் ரசிகர்களிடம் மட்டுமல்ல விமர்சகர்களிடமும் மிகப்பெரிய பாராட்டுகளை பெற்றது. குறிப்பாக நீண்ட நாட்களாக ஒரு நல்ல வெற்றிக்காக காத்திருந்த நடிகர் சித்தார்த்திற்கு இந்த படம் ஒரு கம் பேக் படமாக அமைந்து விட்டது. இந்த நிலையில் இந்த படம் குறித்தும் சித்தார்த்தின் நடிப்பு குறித்தும் மனம் திறந்து பாராட்டியுள்ளார் நடிகை நயன்தாரா.

இதுகுறித்து நயன்தாரா கூறும்போது, “2023ல் வெளியான சிறந்த திரைப்படங்களில் சித்தாவும் ஒன்று. சித்தார்த், இது உங்களுடைய படங்களிலேயே மிகச் சிறந்த படம். இயக்குனர் அருண்குமார் என்ன மாதிரியான ஒரு அற்புதமான கலையை நீங்கள் உருவாக்கி இருக்கிறீர்கள். அருண்குமாருக்கும் சித்தார்த்திற்கும் இதை சாத்தியமாக்கிய படத்தின் மொத்த குழுவுக்கும் என்னுடைய மிகப்பெரிய பாராட்டுக்கள்” என்று கூறியுள்ளார்

நயன்தாராவை பொருத்தவரை அவ்வளவு சுலபத்தில் வேறு ஒரு படம் குறித்து மனம் திறந்து பாராட்ட மாட்டார். தற்போது சித்தார்த்துடன் டெஸ்ட் என்கிற படத்தில் இணைத்து நடித்து வரும் நயன்தாரா அந்த நட்பின் அடிப்படையில் இந்தப்படத்தை பார்த்துவிட்டு பாராட்டியுள்ளார் என்பது குறிப்பிடத்தக்கது.

Siddharth

Nayanthara

Chithha

கருத்துகள் (0) கருத்தைப் பதிவு செய்ய

தந்தை மற்றும் காதலருடன் இணைந்து ...

புகைப்படத்தை தொடர்ந்து மீண்டும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய