Dinamalar

மீண்டும் சிரஞ்சீவி ஜோடி : த்ரிஷா மகிழ்ச்சி

தமிழ், தெலுங்கு என பத்து வருடங்களுக்கு மிகவும் பிஸியான நம்பர் 1 நடிகையாகவும் இருந்தவர் த்ரிஷா. அதன்பின் அவரது பிரபலம் கொஞ்சம் குறைந்தது. தெலுங்குப் படங்களில் நடிக்காமல் அல்லது வாய்ப்பு கிடைக்காமல் ஒதுங்கியிருந்தார்.

இந்நிலையில் 2018ல் வெளிவந்த '96' படம் அவருக்கு அடுத்த இன்னிங்ஸை ஆரம்பித்து வைத்தது. 'பொன்னியின் செல்வன்' படத்திலும் குந்தவை கதாபாத்திரத்தில் நடித்து வியக்க வைத்தார் த்ரிஷா.

நீண்ட இடைவெளிக்குப் பிறகு விஜய் ஜோடியாக கடந்த வருடம் வெளிவந்த 'லியோ' படத்தில் நடித்தார். அது போல, தற்போது அஜித் ஜோடியாக 'விடாமுயற்சி' படத்தில் நடித்து வருகிறார். அடுத்து கமல்ஹாசன் நடிக்கும் 'தக் லைப்' படத்திலும் இணைந்துள்ளார்.

இந்நிலையில் தெலுங்கில் சிரஞ்சீவி நடிக்க உள்ள 'விஷ்வம்பரா' படத்தில் கதாநாயகியாக நடிக்க ஒப்பந்தமாகியுள்ளார். த்ரிஷாவை வரவேற்று சிரஞ்சீவி எக்ஸ் தளத்தில் பதிவிட்டுள்ளார். அதற்கு நன்றி தெரிவித்து த்ரிஷா, “18 வருடங்களுக்குப் பிறகு 'ஒன் அன்ட் ஒன்லி' மெகாஸ்டாருடன் மீண்டும் இணைவது பெருமை. உங்கள் அன்பான வரவேற்புக்கு நன்றி சிரு சார்,” எனக் குறிப்பிட்டுள்ளார்.

விஜய் ஜோடியாக 15 வருடங்களுக்குப் பிறகு 'லியோ'' படத்தில் நடித்த த்ரிஷா, அதையும் தாண்டி 18 வருட இடைவெளிக்குப் பிறகு சிரஞ்சீவியுடன் நடிக்க உள்ளார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!