Dinamalar

‛குட் பேட் அக்லி' : அஜித் 63 பட தலைப்பு அறிவிப்பு

நடிகர் அஜித் தற்போது மகிழ்திருமேனி இயக்கத்தில் ‛விடாமுயற்சி' படத்தில் நடித்து வருகிறார். நாயகியாக த்ரிஷா நடிக்க, முக்கிய வேடங்களில் அர்ஜூன், ஆரவ் நடிக்கின்றனர். ஆக் ஷன் கதைக் களத்தில் தயாராகி வரும் இந்த படத்தின் பெரும்பகுதி படப்பிடிப்பு அஜர்பைஜான் நாட்டில் நடக்கிறது.

இந்த படத்திற்கு அடுத்தப்படியாக அஜித்தின் 63வது படத்தை ஆதிக் ரவிச்சந்திரன் இயக்குவதாகவும், தெலுங்கு நிறுவனமான மைத்ரி மூவி மேக்கர்ஸ் தயாரிப்பதாகவும் தகவல்கள் வந்தன. இந்நிலையில் இந்த படத்தின் அறிவிப்பை வெளியிட்டுள்ளனர்.

படத்திற்கு ‛குட் பேட் அக்லி' என பெயரிட்டுள்ளதாக போஸ்டர் வெளியிட்டுள்ளனர். தேவிஸ்ரீ பிரசாத் இசையமைக்கிறார். போஸ்டரில் முள் வேலி, துப்பாக்கி போன்ற குறியீடுகள் இடம் பெற்றுள்ளன. இதை பார்க்கையில் இந்தபடமும் ஆக் ஷன் கலந்த கேங்ஸ்டர் படமாக இருக்கலாம் என தெரிகிறது. அடுத்தாண்டு பொங்கல் வெளியீடு என இப்போதே படத்தின் ரிலீஸ் தேதியையும் அறிவித்துள்ளனர்.

சமீபத்தில் காதுக்கு கீழே சிறிய ஆபரேஷன் செய்து கொண்ட அஜித் ஓய்வில் உள்ளார். ‛விடாமுயற்சி' படத்திற்காக மீண்டும் அஜர்பைஜான் பறக்க உள்ளார். ‛விடாமுயற்சி' படத்தை முடித்ததும் ‛குட் பேட் அக்லி' படப்பிடிப்பில் அஜித் கலந்து கொள்ள உள்ளார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ஒரே வாரத்தில் பரபரப்பை ஏற்படுத்திய நடிகர்கள்
• 
  24 மணி நேரத்தில் 'ஜெயிலர்' சாதனையை முறியடித்த 'கூலி' டிரைலர்
• 
  'கூலி' : அமெரிக்க பிரிமீயர் முன்பதிவில் 1 மில்லியன் வசூல்
• 
  தெலுங்குத் திரையுலகத்தில் இன்று முதல் ஸ்டிரைக்
• 
  'ஏஐ' மூலம் மாற்றப்பட்ட கிளைமாக்ஸ்: தனுஷ் எதிர்ப்பு